Sýret «Egemen Qazaqstannyń» arhıvinen alyndy
Olardyń biri – Qazaqstan Respýblıkasynyń azamaty bolyp tabylmaıtyn ulty qazaq talapker, ekinshisi – shetelde oqý ornyn bitirgender. Bıyl alǵash ret UBT-ǵa ótinishtiń basym bóligi onlaın-rejimde qabyldandy. Ulttyq testileý ortalyǵynyń dırektory Dıdar Smaǵulovtyń aıtýynsha, qabyldanǵan ótinimder sany burynǵymen salystyrǵanda rekordtyq kórsetkishke jetken. Oǵan onlaın-rejimde qujat qabyldaý yqpal etipti.
«Bıyl túlekterdiń 82%-y UBT-ǵa qatysýǵa nıet bildirdi. Talapkerler sany jyl saıynǵy 70%-dyq kórsetkishten asyp tústi. Onlaın formattyń artyqshylyǵy kóp. Eń bastysy, mektep túlekterine tolyqtaı erkindik berip otyr. О́kinishke qaraı osy ýaqytqa deıin mektep ákimshiligi tarapynan úlgerimi tómen oqýshylardyń testileýdi tapsyrý múmkindigin shekteý faktileri oryn alǵan. Endi bul másele sheshildi», dedi D.Smaǵulov.
Mınıstrliktiń málimdeýinshe, UBT-ǵa 131 471 adamnan ótinish túsken, onyń ishinde
111 017-si – mektepti bıyl bitirgender, 20 454-i – kolledj jáne burynǵy mektep túlekteri. UBT-ǵa qatysýǵa 100 myńnan asa ótinish onlaın qabyldandy.
Mektepti bıyl bitirip, UBT-da eń joǵary 140 upaıdy ádil jınaǵan ár túlekke sońǵy modeldegi noýtbýk syıǵa tartylmaq. Al testileýge kirgizý kezinde zańsyz zat tabylǵan talapker testileýge jiberilmeıdi jáne osy jyly UBT tapsyrý múmkindiginen aıyrylady. UBT aıaqtalǵannan keıin kúntizbelik jyldyń 25 tamyzyna deıin beınebaqylaý jazbalary taldanady. Talapkerdiń tyıym salynǵan zattardy paıdalanǵany anyqtalsa, onyń UBT jáne bilim berý grantyn taǵaıyndaý konkýrsynyń nátıjeleri joıylady.
