«Búgin L.N.Gýmılev atyndaǵy Eýrazııa ulttyq ýnıversıtetimizdiń Jýrnalıstıka jáne saıasattaný fakýltetine Sport jýrnalıstıkasy bilim baǵdarlamasynyń qabyldanǵany jóninde súıinshi habar keldi. Bul osy sala boıynsha elimizdegi tuńǵysh bilim baǵdarlamasy ekendigin de aıta ketkimiz keledi. Buǵan deıin fakýltet kásibı jýrnalıst daıyndap kelse, budan bylaı kásibı sport jýrnalısterin de daıyndaıtyn bolady», - dep jazdy Dúráli Dúısebaı Facebook paraqshasynda.
Onyń aıtýynsha, bul bilim baǵdarlamasy boıynsha bolashaq sport jýrnalısteri tek sport jýrnalıstıkasynyń qyr-syryn ǵana oqyp qoımaıdy, sonymen qatar deneshynyqtyrý men sporttyń teorııasy men praktıkasyn, sport túrlerin, sportshylardyń ósip-damý, qalyptasýy týraly da osy sala boıynsha belgili mamandardan tórt jyl boıy dáris alady. Sport ındýstrııasyndaǵy marketıng pen menedjmentti, jalpy sporttaǵy PR salasyn, sporttaǵy jáne sport jýrnalıstıkasyndaǵy tulǵalardyń tálimdik tájirıbelerin de boıǵa sińirip ósedi. Iаǵnı tórt jyl boıy sportty da jan-jaqty bilip, sport jýrnalıstıkasynyń janrlary men qyzmet etý aıalaryn da tolyq zerttep, zerdelep, oqyp, kásibı sport jýrnalısi bolyp shyǵady. Sonymen, oqýǵa qabyldaýǵa qoıylatyn arnaıy talaptar:
- Bakalavrıatqa qabyldaý Qazaqstan Respýblıkasynyń jalpy orta, tehnıkalyq jáne kásiptik, orta bilimnen keıingi joǵary bilimi bar azamattar men UBT jáne shyǵarmashylyq emtıhan nátıjeleri boıynsha (jýrnalıstıka, dızaın, sáýlet, dene shynyqtyrý jáne sport baǵyttary úshin) júzege asyrylady. Shetel azamattaryn aqyly negizde qabyldaý áńgimelesý nátıjesi boıynsha júzege asyrylady. UBT, eki shyǵarmashylyq emtıhan tapsyrý, sportqa beıimdiligi jáne sport salasyn qanshalyqty bilý qabilettiligi.
- Buryn alǵan bilimdi tanýǵa arnalǵan jáne beıresmı bilim alýshylar nátıjesiniń erekshe sharttary: Budan buryn alǵan bilimdi taný sharttary ýnıversıtettiń ishki normatıvtik qujattary aıasynda júzege asyrylady. Beıresmı bilim berý nátıjelerin rastaıtyn qujat – oqýdy aıaqtaý týraly sertıfıkat nemese oqýdy bitirý týraly kýálik. Eger sportqa qatysty bilimi, sporttyq dárejesi bolsa, oqýǵa túsýde basymdyq beriledi.
- Dáreje berý talaptary men erejeleri: Oqýdyń barlyq kezeńderinde, stýdenttiń oqý túrleriniń bárin qosa alǵanda, kem degende 240 akademııalyq kredıtti ıgergenderge jáne qorytyndy attestasııany sátti aıaqtaǵandarǵa «bakalavr» dárejesi tapsyrylady jáne joǵary bilim týraly dıplom qosymshasymen (transkrıpt) beriledi. Bakalavrıattyń bilim berý baǵdarlamasyn merziminen buryn ıgergen jáne oǵan qoıylǵan talaptardy oryndaǵan jaǵdaıda stýdentke oqý merzimine qaramastan «bakalavr» dárejesi beriledi.
• múmkindiginshe sporttyq dárejesiniń bolýy.
• múmkindiginshe sporttyq jarystarǵa qatysýy, alǵan marapat qaǵazdarynyń bolýy.
• múmkindiginshe sporttyq biliminiń bolýy. - Túlekterdiń kásibı beıini: Túlekter Qazaqstan Respýblıkasynyń memlekettik organdarynda, buqaralyq aqparat quraldarynda (BAQ), baspasóz ortalyqtarynda, baspasóz qyzmetterinde, Mádenıet jáne sport mınıstrliginde, atalǵan mınıstrliktiń tıisti aýmaqtyq organdarynda (óńirlik, oblystyq, aýdandyq, aýyldyq), Ulttyq olımpıada komıtetinde, sport mekemelerinde, sport federasııalarynda, sport klýbtarynda, stadıondar men sport keshenderinde maman retinde qyzmet atqara alady.
Túlekterdiń kásibı beıinine qosymsha qyzmet aıasy:
• Sport telearnalary;
• Sport radıohabarlary;
• Sport gazetteri men jýrnaldary, saıttar;
• Mádenıet jáne sport mınıstrligi;
• Ulttyq olımpıadalyq komıtet;
• Sport klýbtary;
• Sport federasııalary;
• BAQ-taǵy sport bólimsheleri;
• Memlekettik emes uıymdar.
«Mundaı mamandyq ázirge Qazaqstanda joq. Reseıdiń ózinde eki-úsh oqý ornynda sport jýrnalısterin ázirleıdi. Endi bıyldan bastap Sport jýrnalıstıkasy mamandyǵyna talapkerler qabyldana bastaıdy. Naǵyz kásibı sport jýrnalısi bolam degen talapkerlerge esik ashyq. Kelińizder, kútemiz», - dep jazdy Dúráli Dúısebaı.
