Qoǵam • 19 Mamyr, 2020

Nur-Sultan ákimdiginiń qyzmetkerleri maqtaaraldyqtarǵa bir kúndik jalaqylaryn aýdardy

174 ret
kórsetildi
1 mın
oqý úshin

Ákimdik pen oǵan baǵynyshty uıymdardyń qyzmetkerleri Túrkistan oblysynyń Maqtaaral aýdanynyń sý basqan aýyldarynyń turǵyndaryna kómek retinde bir kúndik jalaqylaryn aýdardy. Qarjy aýyldardyń ınfraqurylymdary men úılerin qalpyna keltirýge arnalǵan. Bul týraly elorda ákimdiginiń baspasóz qyzmeti habarlady.

Nur-Sultan ákimdiginiń qyzmetkerleri maqtaaraldyqtarǵa bir kúndik jalaqylaryn aýdardy

Buǵan deıin Nur-Sultan ákimdigi Maqtaaral aýdanyna gýmanıtarlyq kómekpen júk kólikterin jiberdi. Aýdan turǵyndaryna 40 tonna taýar jiberildi, onyń 20 tonnasy un, suıyq maı, qant, kúrish, makaron, kir jýatyn untaq, sabyn, sý sabyn sııaqty birinshi kezektegi qajetti zattardy jiberdi.

Sondaı-aq shatyr, qurylys materıaldary, júzden astam kerýet, tósek-oryn, ydys-aıaq pen sý sorǵytatyn jeti nanos jóneltildi.