Qoǵam • 19 Mamyr, 2020

«Nur Suńqar» jýrnalıster baıqaýyna ótinimder qabyldaý bastaldy

54 ret kórsetildi

«Nur Otan» partııasy jýrnalıster arasynda jyl saıyn ótetin «Nur Suńqar» respýblıkalyq baıqaýynyń bastalǵanyn habarlady.

Qazirgi tańda «Nur Suńqar» syılyǵy – qazaqstandyq jýrnalısterdiń eń úzdik shyǵarmalaryna beriletin otandyq medıa salasyndaǵy bedeldi marapattardyń biri. Syılyq otandyq BAQ pen jýrnalıstıkanyń damýyna serpin berýdi kózdeıdi.

Baıqaýǵa elimizdiń qoǵamdyq-saıası taqyryptaǵy, ekonomıkalyq, rýhanı jańǵyrý jáne partııanyń baǵdarlamalyq qujattary men jobalaryn iske asyrýǵa arnalǵan, sondaı-aq partııa men onyń Kóshbasshysy N.Á.Nazarbaevtyń qyzmeti jaıly materıaldar qabyldanady.

Baıqaý sharty boıynsha 2019 jyldyń 1 qyrkúıegi men 2020 jyldyń 18 maýsymy aralyǵynda jaryq kórgen ártúrli janrdaǵy: ocherk, suhbat, maqala, tele jáne radıohabar, jýrnalıstik zertteý materıaldary qabyldanady.

Baıqaý jumystary memlekettik jáne orys tilinde tapsyrylady. О́tinishter 2020 jyldyń 19 mamyry men 18 maýsymy aralyǵynda Nur-Sultan ýaqytymen saǵat 23:00-ge deıin qabyldanady.

Sońǵy jańalyqtar

Uqsas jańalyqtar