Daǵdarystan tıisti sabaq alýymyz kerek - maman pikiri

Álemniń basqa el­deri­men salystyrǵanda Qazaq­standaǵy vırýs juqtyr­ǵandar men indettiń qur­bany bolǵandar sany aıtar­lyqtaı tómen bolýy da sonyń aıqyn dáleli, ýaq­tyly qabyldanǵan shara­lar men medısına salasy ókil­deriniń eren eńbegi.

Elimizdegi pandemııaǵa qatysty jaǵdaıdyń tu­raq­­tanýyn eskere otyryp, Pre­zıdent Q.Toqaev aldaǵy ýaqytta ulttyq eko­nomıkany jandandyrý qajettigin erekshe atap ótti. Prezıdent tapsyrmasy boıynsha Úki­met pen Ulttyq bank daıyn­daǵan ekonomıkalyq da­mýdy qalpyna keltirý jó­nin­degi keshendi jospar­dy ázir­lep jatyr. Josparda ult­tyq ekonomıkada oryn alǵan túbegeıli ózgeris­ter jaǵdaıynda ony bas­qa­rýdyń ınstıtýsıonaldyq jáne qurylymdyq reformalary eskeriletin bolady.

Koronavırýs indetinen týyndaǵan kúrdeli kezeń elimizdiń ekonomıkasynyń osal tustaryn ańǵartty. Álemdik ekonomıkanyń daǵ­da­rysymen qatar elimiz­de de kóptegen kásip­oryn men bıznes­tiń jumysy toq­tap, jumys­syz­dyq kóbeıdi. Jańa jaǵ­daıda jumyspen qamta­ma­syz etý jáne eko­no­mı­kalyq tıimdilikti arttyrý úshin ekonomıkany ár­tarap­tandyrý úderisin jalǵas­tyryp, shaǵyn jáne orta bızneske barynsha jaǵ­daı jasaý qajet. Sony­men qatar adam kapı­talyn da­my­typ, ulty­myzdy báse­kege qabilet­tilik deńgeıine kóterý qajet. Osyǵan oraı aldymyz­da bilim, ǵy­lym, densaý­lyq saqtaý sala­laryn da túbegeıli jań­ǵyr­tý, saıa­sı reforma­lar júrgizý mindeti tur. «Bul – bizdiń stra­tegııa­lyq tańdaýymyz», dedi Pre­zı­dent.

Álemdi jaılaǵan in­det­ten keıin elimiz damý­dyń múldem basqa deń­geıine ótip, álemmen qa­tar jańa jaǵdaıda ómir súretinimiz bárimizge aıqyn bolyp otyr. El aldynda eko­nomıkaǵa jáne mem­lekettik basqarý júıesine aýqymdy ári mańyzdy ózgerister engizý mindeti tur. Biz álemdik deńgeıdegi «jasyl energetıka» jáne sıfrly tehnologııalarǵa ótý úderisinen shet qalmaı, olardy óz ekonomıkamyz ben qoǵamymyzdyń qa­jetine jaratýymyz kerek. Bul mindetti atqarýǵa árbir qazaqstandyq óz úlesin qosa alady. Ol úshin kúndelikti ómirde qajetti sanıtarlyq normalardy ustanyp, otandyq taýarlar men qyzmet túrlerin tutynýǵa umtylyp, ishki týrızmge artyqshylyq berip, osal toptarǵa qolushyn sozýymyz qajet.

Daǵdarystan tıisti sabaq alyp, qatelikterdi eskere otyryp, damý úshin jańa serpilis ala bilgen elder ǵana qatardyń aldy bolýǵa qabiletti. Ol úshin tutas memleket, biregeı el bolyp, árbirimiz aıanbaı óz úlesimizdi qosýymyz kerek.

Almas ARZYQULOV,

Prezıdent janyndaǵy QSZI-diń jetekshi ǵylymı qyzmetkeri