Osyǵan sáıkes, 11 mamyrdan bastap Úkimet qaýlysymen tótenshe jaǵdaı kezinde qoldanylý merzimi ótken jeke basty kýálandyratyn qujattar kúshi joıylǵan kúnnen bastap kúntizbelik alpys kún boıy jaramdy bolyp sanalatyn boldy. Demek, Qazaqstan azamattary qyzmet, zeınetaqy, áleýmettik járdemaqylar jáne basqa da tólemderdi alý úshin memlekettik organdar men basqa da uıymdarǵa qoldanylý merzimi ótken qujattarmen júgine alady.
Qazirgi tańda halyqty qujattandyrý máseleleri boıynsha memlekettik qyzmet kórsetý úshin qajetti sharalar qabyldanýda.
Atap aıtqanda, múnkindigi shekteýli jáne zeınetkerlik jastaǵy adamdardy, kóp balaly analardy, múgedekterdi qujattandyrý úshin arnaıy turǵylyqty jeri boıynsha úılerine baratyn mobıldi HQKO-nyń jumysy uıymdastyryldy.
Aýdan ortalyqtarynda turǵyndar úshin árbir eldi meken nemese aýyldyq okrýg boıynsha qujattandyrý kestesine sáıkes qabyldaý kúnderi belgilengen.
Jeke basty kýálandyratyn merzimi ótken qujattardy aýystyrý osy jyldyń 10 shildesine deıin eshqandaı ákimshilik sharasyz júzege asyrylady.
Búgingi kúnge mobıldi HQKO-men jáne oblystyq Polısııa departamentiniń Kóshi-qon qyzmeti 200-den astam oblys turǵynyn qujattandyrdy.
