Sport • 25 Mamyr, 2020

Match tamashalaǵan 41 jankúıer koronavırýstan qaıtys bolǵan (vıdeo)

155 ret kórsetildi

Fýtboldan Chempıondar lıgasynyń 1/8 fınal básekesindegi «Lıverpýl» men «Atletıko» matchy 41 jankúıerdiń koronavırýstan qaıtys bolýyna sebep bolǵan. Bul týraly Brıtanııanyń Sunday Times basylymy habarlady.

11 naýryzda Lıverpýl qalasynda ótken oıynǵa 52 myńnan asa kórermen jınalǵan. Onyń úsh myńy Ispanııadan kelgen «Atletıko» klýbynyń jankúıerleri. Sunday Times Brıtanııa densaýlyq saqtaý mınıstrliginiń taratqan aqparatyna súıene otyryp, oıynǵa qatysqan jáne sol arqyly koronavırýs juqtyrǵandardyń 41-i qaıtys bolǵanyn málimdedi.

London ımperıal kolledji jáne Oksford ýnıversıtetiniń júrgizgen zertteý nátıjesi boıynsha, «Lıverpýl» – «Atletıko» oıyny ótkizilgen ýaqytta Ispanııada 640 myńnan asa adam koronavırýs juqtyrǵan. Al bul ýaqytta Brıtanııada 100 myńnan kóp adamnan ınfeksııa anyqtalǵan-dy.

Sondaı-aq Lıverpýl qalasynyń meri Stıv Roýzeramnyń aıtýynsha, «Lıverpýl» – «Atletıko» oıyny áý basta ótkizilmeý kerek bolǵan eken. Degenmen bul match Brıtanııada fýtbol básekeleri toqtatylmaı turyp ótkizilgen eń keıingi oıyn edi. Kezdesýde 3:2 esebimen jeńiske jetken «Atletıko» eki oıyn qorytyndysy boıynsha 4:2 nátıjesimen basym túsip, shırek fınalǵa joldama alǵan bolatyn.

Sońǵy jańalyqtar

Prezıdent Almaty ákimin qabyldady

Prezıdent • Búgin, 14:07

Iranda 6 baldyq jer silkinisi boldy

Álem • Búgin, 11:20

О́tken táýlikte 187 adam indet juqtyrdy

Koronavırýs • Búgin, 10:40

Búgin aqyn Muhtar Shahanov 80 jasqa toldy

Qazaqstan • Búgin, 09:02

Dollar arzandady

Qarjy • Keshe

Uqsas jańalyqtar