Lıonel Messıdiń mereıi ústem

Teńdessiz teńbil dop sheberleri kóshin dańqty Lıonel Messı bastap tur. 2010/2011 jylǵy maýsymda ótken aıtýly dodanyń aqtyq synynda «Barselona» men «Manchester Iýnaıted» klýbtary sheberlik baıqasty. Sol matchty tamashalaý úshin Londondaǵy áıgili Ýemblı stadıonyna 87 695 kórermen jınaldy. Birinshi taımda teń esep tirkeldi – 1:1. Bul goldardyń avtorlary – Pedro men Rýnı. Úzilisten keıin Messı men Vılıa qaqpany dál kózdep, katalonııalyq klýbqa jeńis syılady – 3:1. Sol kezdesýdiń qorytyndysy boıynsha Lıonel Messı eń úzdik oıynshy dep tanylǵan edi.

Al Chempıondar lıgasynyń fınalynda asqan sheberlik tanytqan oıynshylardyń úzdik ondyǵynyń tolyq tizimi mynadaı:

1. Lıonel Messı («Barselona»). 2010/2011 jylǵy maýsymdaǵy «Manchester Iýnaıtedke» (3:1) qarsy kezdesý.
2. Zınedın Zıdan («Real» Madrıd). 2001/2002 jylǵy maýsymdaǵy «Baıerge» (2:1) qarsy kezdesý.
3. Havı («Barselona»). 2008/2009 jylǵy maýsymdaǵy «Manchester Iýnaıtedke» (2:0) qarsy kezdesý.
4. Stıven Djerrard («Lıverpýl»). 2004/2005 jylǵy maýsymdaǵy «Mılanǵa» (3:3, pen. 3:2) qarsy kezdesý.
5. Olıver Kan («Bavarııa»). 2000/2001 jylǵy maýsymdaǵy «Valensııaǵa» (1:1, pen. 5:4) qarsy kezdesý.
6. Dıde Drogba («Chelsı»). 2011/2012 jylǵy maýsymdaǵy «Bavarııaǵa» (1:1, pen. 4:3) qarsy kezdesý.
7. Aren Robben («Bavarııa»). 2012/2013 jylǵy maýsymdaǵy «Borýssııa Dortmýndqa» (2:1) qarsy kezdesý.
8. Anhel Dı Marııa («Real» Madrıd). 2013/2014 jylǵy maýsymdaǵy «Atletıkoǵa» (4:1) qarsy kezdesý.
9. Garet Beıl («Real» Madrıd). 2017/2018 jylǵy maýsymdaǵy «Lıverpýlge» (3:1) qarsy kezdesý.
10. Dıego Mılıto («Inter»). 2009/2010 jylǵy maýsymdaǵy «Bavarııaǵa» (2:0) qarsy kezdesý.