Taraz qalasynda 49 oqıǵa anyqtalǵan. Onyń 48-i naýqastarmen baılanysta bolǵan. Bir jaǵdaı Taraz qalasynyń 69 jasar turǵynynan anyqtalyp, ol jedel respıratorlyq vırýstyq ınfeksııa belgilerimen juqpaly stasıonarǵa jatqyzylǵan. Sondaı-aq naýqastardyń qatarynda 1 jastan 12 jasqa deıingi 6 kámeletke tolmaǵan bala bar. Atap aıtsaq, zerthanalyq zertteýler nátıjeleri boıynsha koronavırýs aýrýy bir otbasynyń tórt múshesinde, onyń ishinde 2005, 2008 jáne 2016 jyly týǵan balalarda rastalǵan. Olar da osy ýaqytqa deıin dert juqtyrǵan týysymen baılanysta bolǵan.
Sonymen qatar T.Rysqulov aýdanynda 2 jaǵdaı anyqtaldy. Qaýipti indet 1991 jyly týǵan er adamda jáne 1993 jyly týǵan júkti áıelden tabylǵan. Ekeýi de buryn aýyrǵan naýqaspen baılanysta bolǵan tulǵa retinde oqshaýlanǵan.
Jambyl oblystyq ákimdiginiń málimetinshe, barlyq naýqastar juqpaly aýrýlar aýrýhanasyna jetkizilgen. Búginde olarmen baılanysta bolǵan tulǵalar anyqtalyp, karantınge alynǵan. Oshaqtarda dezınfeksııalyq óńdeý sharalary júrgizilgen. Búginde Jambyl oblysynda koronavırýs indetin juqtyrýdyń 343 jaǵdaıy tirkelgen bolsa, olardyń 173-i saýyǵyp, dárigerlerdiń baqylaýyndaǵy úı karantınine shyǵarylǵan.
Jambyl oblysy
