Sońǵy táýlikterdiń birinde Petropavl qalalyq Polısııa basqarmasynyń bólinisteri 23 saǵattan keıin tynyshtyqty buzý faktisi boıynsha 8 shaqyrtýdy tirkedi. Polısııa qyzmetkerleri barlyq buzýshylyqtardy qasaqana buzǵan dep sanaýǵa bolmaıtynyn aıtady. Osyndaı jaǵdaılardyń biri shamamen túngi saǵat 1-lerde Astana kóshesindegi úıde bolǵan. 30 jastaǵy azamat balkonda turyp dosymen sóılesken. Olardyń sóılesken daýsynan oıanǵan kórshisi polısııa shaqyratynyn aıtyp, eskertý jasaǵan. Tynyshtyq buzǵan azamat kórshisinen keshirim surap, janjal sonymen doǵarylypty.
Kámeletke tolǵan qyzynyń týǵan kúnin atap ótip jatqan jer úıdiń turǵyndary da mýzykanyń daýysyn qatty shyǵarǵandaryn moıyndap, ózderiniń kinásin túsingen. Kórshileri balasyn uıyqtata almaǵan soń, túngi 23-ten keıin polısııaǵa habarlasqan. T.Muhamed-Rahımov kóshesindegi kórshilerdiń kóptegen shaǵymdary boıynsha kelgen polıseıler múldem basqa kóriniske tap bolady. Páterdiń synǵan terezesi mas janjalqoıdyń is-áreketiniń nátıjesi ekenin birden kórsetken. Quqyq buzýshy úı ıesimen ýaqytsha turyp jatqan onyń týysy bolyp shyqty. «Páterdi jalǵa alýshylar men otbasynda janjal shyǵarýshylar tynyshtyqty kóp buzady. Olar aınalasyndaǵy adamdardyń tynyshtyǵy týraly oılamaıdy. Mundaıda páter bıýrolarynyń ákimshilerimen jáne jalǵa beriletin úılerdiń ıelerimen túsindirý jumysy júrgiziledi, shart jasaǵan kezde olar klıentterge tynyshtyq rejimin saqtaý kerektigi túsindiredi», deıdi Polısııa departamenti bastyǵynyń birinshi orynbasary, polısııa polkovnıgi Qanat Aıtbaev.
PETROPAVL
