Esepte kompanııa qyzmetiniń nátıjeleri, sondaı-aq onyń personaldy damytýdaǵy tájirıbesi, ekologııalyq jáne áleýmettik saladaǵy qyzmeti jáne óz ýaqytynda Birikken Ulttar Uıymy aıqyndaǵan Turaqty damý maqsattaryna qol jetkizý jónindegi tikeleı jumysy kórsetilgen. «Fılıp Morrıs Interneshnl» kompanııasy BUU-nyń turaqty damý maqsattaryn iske asyrýdy kózdeıdi, bul kompanııa basshylyǵy men aksıonerleriniń pikirinshe, bıznes damıtyn qoǵam úshin de, kompanııanyń ózi úshin de mańyzdy.
Bul esep 2019 jyldyń qorytyndysy boıynsha jasaldy jáne qoǵammen múddeli dıalog pen aqparattyq ashyqtyqtyń jalǵasy bolyp tabylady, osynyń bastamasy retinde kompanııa 2018 jyly turaqty damý týraly óziniń alǵashqy esebin usyndy.
– Biz turaqty damý jónindegi kompanııadaǵy kúsh-jigerimizdiń negizine ónimdi ornalastyrdyq. Júz jyldan astam ýaqyt boıy «Fılıp Morrıs» temeki shyǵarady. Biraq birneshe jyl buryn «Fılıp Morrıs Interneshnl» bas kompanııasy ózi úshin mańyzdy sheshimdi qabyldady, ol –qoǵamnyń temekige qaraǵanda zııany az balama týraly suraýyna jaýap retinde óz ónimi men bıznesin transformasııalaýy. Búgingi tańda kompanııa álemdi temeki tútininen bosatýdy negizgi mindet retinde sanaıdy. Shylym shegýdiń densaýlyqqa zııanyn eskere otyryp, búginde «Fılıp Morrıs» temeki tartýdyń eń ońtaıly balamasy sanalatyn tútinsiz ónimderdiń negizinde bolashaqty jasaýda, – dep atap ótti «Fılıp Morrıs Qazaqstan» JShS basqarýshy dırektory Hýan Karlos Eskobar.
BUU 2015 jyldyń sońynda turaqty damýdyń 17 maqsatyn qabyldady jáne olar kásiporyndardy turaqty damý problemalaryn sheshý úshin shyǵarmashylyq tásil men ınnovasııalardy qoldanýǵa tikeleı shaqyrady. FMQ kompanııasy óz qyzmetinde qoǵamǵa barynsha paıda ákeletin damý maqsattaryn tańdady. Olardyń qatarynda – «Jaqsy densaýlyq pen ál-aýqat», «Tolyq jáne ádil sapaly bilim berýdi qamtamasyz etý men oqytý múmkindigin kótermeleý», «Laıyqty jumys jáne ekonomıkalyq ósý», «Tutyný men óndiristiń utymdy úlgilerine kóshýdi qamtamasyz etý», «Sý resýrstaryn saqtaý jáne utymdy paıdalaný», «Qurlyqtyń ekojúıelerin saqtaý», sondaı-aq «Beıbitshilik, sot tóreligi men tıimdi ınstıtýttar» maqsattary bar.
Kompanııa qyzmetiniń kontekstinde osy maqsattardy iske asyrý temeki ónimderin tutynýdyń densaýlyqqa áserin tómendetýdi, qorshaǵan ortaǵa áserin azaıtýdy, adam quqyqtary men eńbek quqyqtaryn saqtaýdy, belsendi qaıyrymdylyq jáne korporatıvtik volonterlik qyzmetti, zańsyz ónim problemalaryn sheshý úshin memlekettik jáne memlekettik emes seriktestermen jumysty bildiredi.
Kez kelgen kompanııanyń turaqty damýy onyń bızneske degen jaýapkershiliginen bastalady. Temeki kompanııasy úshin bul – eń aldymen, ónim tutynýshylarynyń densaýlyǵyna teris áserdi tómendetý jónindegi jumys. Sondyqtan da «Fılıp Morrıs Interneshnl» (FMI) bas kompanııasy revolıýsııalyq transformasııa jolyna tústi jáne órshil maqsatty alǵa qoıdy – tutynýshylarǵa dástúrli temekige qaraǵanda zııany az balamany usyný jáne temeki tútininsiz bolashaqty qurý.
Sońǵy on jyl ishinde FMI qyzdyrylatyn temeki buıymdarynan jáne quramynda temeki joq ónimderden turatyn tútinsiz ónimderdiń suryptamasyn ázirleýge, ǵylymı zertteýlerge, óndirýge jáne kommersııalandyrýǵa 7 mlrd. astam AQSh dollaryn ınvestısııalady. Alǵashqy osyndaı ónim Qazaqstanda 2016 jyly usynylǵan IQOS temekini qyzdyrýdyń elektr júıesi boldy. 2019 jyldyń sońyna qaraı 9,7 mıllıonnan astam kámeletke tolǵan temeki shegýshiler shylym shegýden bas tartyp, IQOS-ty paıdalandy. Kompanııanyń qorshaǵan ortany qorǵaý isine qosqan úlesi birden birneshe baǵyt boıynsha júzege asyryldy. Bul atmosferaǵa lastaýshy zattardyń shyǵarylýyn azaıtý, sýdy utymdy paıdalaný, qaldyqtardyń túzilýi men qaıta óńdelýin tómendetýmen jumys isteý jáne basqa da bastamalar esebinen qorshaǵan ortaǵa áserdi tómendetý.
Tek ótken, 2019 jyly kompanııa ofıstik úı-jaıda aqyldy jaryqtandyrý júıesin engizý, sýdy jylytý úshin kún panelderin ornatý, óndiristik ǵımarattyń jyly oqshaýlanýy sııaqty sharalardy qabyldady. Osynyń barlyǵy óndiristik qyzmetke baılanysty kómirtegi shyǵaryndylaryn eki eseden astam qysqartýǵa múmkindik berdi. Qaldyqtardy qaıta óńdeýde da eleýli tabystarǵa qol jetkizildi – fabrıka qaldyqtarynyń 90%-ǵa jýyǵy odan ári óńdeýge jumsalady. Qorshaǵan ortany qorǵaý salasyndaǵy jetistikter elendi – FMQ 2019 jyly «Ekologııaǵa úles» nomınasııasy boıynsha «Paryz» memlekettik marapatyna ıe boldy.
«Laıyqty jumys jáne ekonomıkalyq ósý» maqsatyna qol jetkizý aıasynda «Fılıp Morrıs Qazaqstan» kompanııasynda qyzmetkerlerdiń atqaratyn laýazymyna, jynysyna, ultyna jáne basqa da faktorlaryna qaramastan eńbek pen damýy úshin qolaıly jaǵdaılar jasalýda. Jańa qyzmetkerlerdi qyzmetke qabyldaý kezinde negizgi krıterıı kásibı múmkindikter men jetistikter bolyp qala beredi. Osy qaǵıdattardy qatań ustanýdy ótken jyly Equal Salary Foundation jáne PwC tarapynan halyqaralyq aýdıt rastady, onyń qorytyndysy boıynsha FMQ qazaqstandyq kompanııalardyń ishinde birinshi bolyp Equal Salary sertıfıkatynyń ıegeri atandy.
Kompanııa óz qyzmetkerlerine ǵana emes, Almaty oblysynda jáne odan tys jerlerde birqatar tabysty áleýmettik baǵdarlamalardy júzege asyra otyryp, jergilikti qoǵamdastyqtardyń damýyna mańyzdy úles qosady. Olardyń arasynda Eńbekshiqazaq aýdanynyń fermerlerimen kópshilikke jaqsy tanys «Shelek fermerleri» jobasy bar. Al Ile aýdanynda FMQ erekshe qajettilikteri bar adamdarǵa kásibı bilim alýǵa kómektesedi. 2019 jyly osy áleýmettik baǵdarlamanyń seriktesi «Progress» Polıtehnıkalyq kolledji eresek jastaǵy oqýshylardy 10-shy ret qabyldady.
2020 jyly «Fılıp Morrıs Qazaqstan» kompanııasy koronavırýs pandemııasynyń memleket, bıznes jáne qoǵam aldyna qoıǵan syn-qaterlerine qaramastan, ornyqty damý qaǵıdattaryn tolyǵymen ustanýdy jáne josparlanǵan baǵdarlamalardy iske asyrýdy kózdep otyr.
