Jańaqorǵan aýdanyndaǵy «Halyqty jumyspen qamtý» ortalyǵynda aýdandyq jumyspen qamtý jáne áleýmettik baǵdarlamalar jáne hal aktilerin tirkeý bólimi aýdandaǵy jumyssyz jastarǵa, probasııa esebinde turǵan sottalǵandarǵa «Bos jumys oryndary» jármeńkesin ótkizdi.
Jármeńkege probasııa qyzmetiniń esebinde turǵan 7 azamat jumys izdeýshi retinde qatysty. Segiz jumys berýshi mekemeden 185 bos jumys orny usynyldy. Qurylys mamandyqtaryna suranys kóp boldy. Nátıjesinde, probasııa qyzmetiniń esebinde turǵan eki azamat «Gazremontaj» JShS-ne, bir azamat kvotamen «Aznabaı» sharýa qojalyǵyna joldama aldy.
