«1 maýsymǵa qaraǵan túni qalanyń perımetri boıynsha ornalasqan blok-beketterdi alamyz. TJ rejımi kezinde bul beketter qaladan shyǵý jáne qalaǵa kirýdi shektedi. Bul – koronavırýstyń taralýyn toqtatý úshin qajet boldy. Barlyq polısııa, sanıtarlyq qyzmet, fıto- jáne vetbaqylaý qyzmetkerlerine, aýdandyq ákimdikter men Ulttyq gvardııa, Qorǵanys mınıstrliginiń áskerı qyzmetshilerine alǵysymdy bildiremin», – degen B. Saǵyntaev osy 2,5 aıdyń ishinde olar ózderine júktelgen mindetti abyroımen oryndap, táýlik boıy qyzmet kórsetkenin málimdedi.
Qala ákimi shekteýlerdi alýǵa elde, sonyń ishinde Almaty boıynsha jaǵdaıdy turaqtandyrýdyń arqasynda múmkin bolǵanyn erekshe atap ótti.
B. Saǵyntaev barlyq kásiporyndar men uıymdar sanıtarlyq qaýipsizdiktiń kúsheıtilgen sharalary negizinde jumys isteıtinin eske saldy. Úılerdi, aýla alańdary men kóshelerdi dezınfeksııalaý júrgizile beredi.
«Belgilengen tártipke baǵynyp, sangıgıena men áleýmettik qashyqtyqty saqtap, qorǵanys betperdelerin kıip júrýge shaqyramyn. Bul qazirgi ómirdiń qalypty normasyna aınalýy tıis. О́zińizdi jáne jaqyndaryńyzdy qorǵańyz!», – dep qorytyndylady sózin shahar basshysy.
