Aımaqtar • 31 Mamyr, 2020

Mańǵystaýda 1 maýsymnan bastap karantın jeńildetiledi

232 ret

kórsetildi

1 mın

oqý úshin

Mańǵystaý oblysynyń aýmaǵynda karantındik sharalardy kezeń-kezeńimen jeńildetý jumystary júrgizilýde. Osyǵan oraı, oblystyń bas sanıtar dárigeriniń qaýlysyna sáıkes, Mańǵystaý oblysynda 1 maýsym kúninen bastap jeńildetiletin karantındik sharalar jáne jumystaryn jandandyratyn kelesideı kásipkerlik nysandarynyń tizimi jasaqtaldy, - dep habarlady oblys ákimdiginiń baspasóz qyzmeti.

Suńǵat ÁLIPBAI

Mańǵystaýda 1 maýsymnan bastap karantın jeńildetiledi

Tizim boıynsha tómendegi sharalar júzege asady:

1. Oblys aýmaǵynda jalpy qozǵalysqa saǵat 6:00 – 23:00 aralyǵynda ruqsat etiledi;

2. Sport zaldardaǵy sporttyq jattyǵýlarǵa jumys reglamentin shekteýsiz, ǵımarat ishindegi adam sanyn 30%-ǵa deıingi syıymdylyqpen qamtı otyryp ruqsat etiledi;

3. Qoǵamdyq tamaqtaný oryndaryna, kafeler men restorandarǵa (toıhanalardy qospaǵanda) 50 otyratyn orynnan asyrmaı, epıdemııaǵa qarsy sharalardy jáne ara qashyqtyqty qatań saqtaı otyryp saǵat 23:00-ge deıin jumys jasaýǵa ruqsat etiledi;

4. Jaǵajaı jáne demalys bazalary epıdemııaǵa qarsy sharalardy qatań saqtaı otyryp jumystaryn bastaıdy;

5. Qoǵamdyq monshalarǵa jáne SPA ortalyqtaryna ishindegi adam sanyn 30%-ǵa deıingi syıymdylyqpen qamtı otyryp jumys jasaýyna ruqsat beriledi;

6. Saýda oıyn-saýyq ortalyqtary saǵat 9:00 – 22:00 aralyǵynda qyzmetterin jalǵastyrady. Biraq, kınoteatrlar men balalardyń oıyń alańdaryna jáne muz aıdyndaryna ýaqytsha ruqsat etilmeıdi;

7. Jetibaı men Munaıshy aýyldaryna kirý jáne shyǵýǵa shekteý qoıylady (ıaǵnı, blokposttar ornalastyrylady);

8. Mekemelerde qyzmetkerler sanynyń 50%-yn qashyqtyqtan jumys jasatý tártibi jalǵasady.