Turǵyndar sany 100-den sál ǵana asatyn shaǵyn ǵana Baıantóbe aýylynda erekshe oqıǵa boldy. Osy aýyldyń turǵyny, buǵan deıin apatty úıde turyp kelgen Járdem Sháripovtiń otbasy ishi-syrty jóndeýden ótken basqa páterge ıe boldy.
- Járdem aǵaıdy bala kúnimizden bilemiz. Osy Baıantóbe aýylynda ómir boıy turyp keledi. О́zi qazir aýyr naýqas, úsh balasy bar. Eshbir etjaqyn týysy joq, kómekke shyn muqtaj adam edi. Balalyǵy osy aıadaı ǵana Baıantóbe aýylynda ótken jerlester jınalyp, bıyl kóktemde áleýmettik jelide arnaıy top qurdyq. Maqsatymyz – týǵan jerde bas qosyp, ıgilikti sharalarǵa muryndyq bolý edi. Mine, kópshiliktiń sheshimi boıynsha aldymen Járdem aǵaıǵa qol ushyn beremiz dep sheshtik, - deıdi Artýr Orynǵalıuly.
Artýr búginde Aqjaıyq aýdandyq mádenıet, tilderdi damytý, deneshynyqtyrý jáne sport bóliminiń basshysy bolyp qyzmet etedi. Jalpy bul iske Almatyda, Atyraýda, Oral qalasynda, taǵy basqa aımaqtarda turatyn burynǵy baıantóbelikter bir kisideı jumylypty. Sóıtip, az ýaqyt ishinde 400 myń teńgeden astam qarajat jınalǵan. Bul aqshaǵa úı alynyp, oǵan shaǵyn jóndeý jumystary da júrgizilgen.
Járdem aǵaıǵa jańa baspanasyn tabys etý sharasy shaǵyn toıǵa aınalyp ketti. Alys-jqynnan osy iske úles qosqan jerlestermen birge aýyl ákimi Erlan temirǵalıev, mektep dırektory, Aqjaıyq aýdandyq máslıhatynyń depýtaty Qanapııa Taspaı arnaıy keldi. Jańa shańyraqta dastarhan jaıylyp, aıat oqylyp, ómirden ótken aýyl azamattaryna duǵa baǵyshtaldy. Aıta keterligi, bul jıynnyń da salmaǵyn bastamashyl top ózderi kóterip alypty.
«Kóp túkirse kól» degen ras qoı. Bazarsholan aýyl ákimdigi muqtaj jannyń jańa shańyraǵyna aýyz sý qubyryn tartyp berdi. Jastar endi qystyq otynyn da jınap berýge ýáde etip otyr.
