Qoǵam • 01 Maýsym, 2020

Tórt júzge jýyq aýyl ǵalamtordyń ıgiligin kóredi

244 ret
kórsetildi
2 mın
oqý úshin

Sıfrlyq damý, ınnovasııalar jáne aeroǵarysh óner­kásibi mınıstrliginiń málimetinshe, jyl basynan beri 393 aýylǵa talshyqty-optıkalyq baı­lanys jelisi salynǵan. Bul aýyldyq eldi meken­derdi joǵary sapaly ınternetpen qamtamasyz etý jónindegi aýqymdy jobany iske asyrýdyń nátı­jesinde múmkin boldy.

Tórt júzge jýyq aýyl ǵalamtordyń ıgiligin kóredi

Atalǵan joba 2018 jyldan bastap memlekettik-jeke menshik áriptestik qaǵıdaty boıynsha iske asyrylýda. Sıfrlyq damý, ınnovasııalar jáne aeroǵarysh ónerkásibi mınıstrliginiń bul jobadaǵy seriktesteri, elimizdiń iri baılanys operatorlary. Dálirek aıtsaq, «Qazaqtelekom» AQ, sondaı-aq quramyna «Transtelekom» AQ  men «SilckNetCom» JShS engen konsorsıým bar.

«2020 jyldyń sońyna deıin baılanys operatorlary óz qarajaty esebinen 20 myń shaqyrymnan astam tal­shyq­ty-optıkalyq baılanys jelilerin salyp,  1250 shal­ǵaı aýyldaǵy mektep, aýrýhana men ákimdikke keń jolaqty ınternet jelisine qosylý múmkindigin usynady. «Optıkalyq – talshyqty» joba iske asyrylǵaly beri 2065 aýrýhana, mektep, shuǵyl áreket etý qyzmeti, ákimdik jáne t.b. jumys isteıtin 706 aýylǵa jeli júrgizildi. Sonymen qatar aýyldarda talshyqty-optıkalyq jeliler bolǵan jaǵdaıda uıaly baı­lanys operatorlaryna ózderiniń bazalyq stansalaryn orna­týǵa jáne aýyl turǵyndaryn sapaly mobıldi ınternetpen qamtamasyz etý múmkin bolmaq. Elimizde iske asyrylyp jat­qan ekinshi joba aıasynda uıaly baılanys operatorlary 2020 jyldyń sońyna deıin 250-den astam adam turatyn barlyq aýylǵa mobıldi ınternetti júrgizýge  mindetteldi. Bul rette TOBJ jobasyn júzege asyrý nátıjesinde  quryl­ǵan ınfraqurylymdy uıaly operatorlar 3G/4G tehnologııalaryn qoldaný úshin belsendi paıdalanbaq», delingen mınıstrlik taratqan aqparatta.

Osylaısha, 2020 jyldyń sońyna qaraı joǵary jyldam­dyqty ınternetpen qamtamasyz etilgen  eldi mekender sany 5 163 jetedi. Bul eldi mekenderde turyp jatqan halyq sany el turǵyndarynyń 99,3%-na teń.

Sońǵy jańalyqtar

Syr óńirinde shıbóri nege kóbeıdi?

Aımaqtar • Búgin, 16:38