Foto avtory: Maksım Zolotýhın
«Shekteý sharalaryn jeńildetý sheńberinde, 1 maýsymnan bastap, fıtness-ortalyqtary, SPA-salondary, qoǵamdyq monshalar jáne saýnalar jumystaryn qaıta bastaıdy», - delingen shahardyń bas sanıtarynyń qaýlysynda.
Nysandardyń qyzmetine barlyq epıdemıologııalyq sharalar qatań saqtalǵan jaǵdaıda ruqsat etiledi.
Jumysty bastar aldynda, uıymdar Almaty qalasynyń bas memlekettik sanıtarııalyq dárigeri qaýlysynyń erejelerimen tanysýy jáne nysandardy barlyq qajetti talaptarǵa sáıkes daıyndaýy tıis, ol talaptar: jaılarda kúsheıtilgen sanıtarııalyq-dezınfeksııalyq rejımdi, áleýmettik qashyqtyqty saqtaý jáne t.b.
Budan ári, nysandar infokazakhstan.kz saıtyna tirkelýi tıis, onda olar ózderiniń ázirligin rastaıdy jáne habarlamaǵa elektrondy-sıfrlyq qoltańbasymen qol qoıý jolymen jazylǵan normalardy saqtaýǵa kepildik beredi.
Ári qaraı, olardyń karantındik sharalardy oryndaý barysyn monıtorıngtik top reıdtik tekserýler júrgizý kezinde qadaǵalaıtyn bolady.
Buzýshylyqtar anyqtalǵan jaǵdaıda, nysandarǵa, olardy tolyq jabýǵa deıingi ákimshilik jaýapkershilik júkteý qaýpi bar.
Jumys oryndaryna tikeleı qajetti qyzmetkerler sanyn kásiporyn basshylary ózderi belgileıtinin qosymsha habarlaımyz. Sulýlyq jáne densaýlyq ındýstrııasynyń nysandary úshin jumys kestesi shtat rejiminde qalyp otyr.
Jalpy alǵanda, jumysqa jalpy 7,2 myń adam sanymen 900-den astam nysan oralady dep kútilýde.
Budan basqa, buryn habarlanǵandaı, 1 maýsymnan bastap, shekteýler ázirlik baǵalaýynan ótken azyq-túliktik emes bazarlardan alynatyn bolady.
