Indettiń taralýyna tosqaýyl qoıý maqsatynda qoıylǵan beketter Memleket basshysynyń tapsyrmasyna sáıkes búgin alyndy.
Tosqaýyl beketiniń basynda oblystyq Polısııa departamentiniń bastyǵy, polısııa polkovnıgi Bektóre Sultan qyzmetkerlerge alǵys bildirdi.
Jetpis segiz táýlik boıy karantın rejıminiń saqtalýyn qamtamasyz etý ońaı emes. Osy aýyr mindetti abyroımen atqaryp shyqqan medısına qyzmetkerlerine, eriktiler men polıseılerge Ishki ister mınıstri Erlan Turǵymbaevtyń atynan alǵys aıtamyn, – dedi ol.
Eriktiler polısııa qyzmetkerlerimen qatar reıdtik sharalarǵa qatysyp, qaýipsizdik sharalary jóninde turǵyndar arasynda túsindirme jumystaryn júrgizdi. Dárigerler adam ómirin qutqarý úshin janyn salyp, qyzmet etti.
Mınıstrdiń buıryǵymen 10 polısııa qyzmetkeri men 7 erikti marapattaldy. Bekette qyzmet etken birqatar azamattarǵa oblys ákimi men qala basshysynyń Alǵys haty tabystaldy.
Tótenshe jaǵdaı kezeńinde oblys aýmaǵynda 38 beket jumys jasap, 1000-nan astam polıseı jumyldyrylǵan.
