Búginde Shymkent qalasy boıynsha 29 jasqa deıingi 1698 balalar turǵyn úı kezeginde esepte tur. Onyń ishinde kámeletke tolmaǵan balalar sany – 589-dy quraıdy.
Buǵan deıin 2016-2018 jyldary turǵyn úı kezegindegi 345 bala, 2019 jyly 108 bala baspanamen qamtylyp, respýblıka boıynsha alǵashqy 3 orynǵa shyqqan bolatyn. Al aǵymdaǵy jyl basynan beri 48 jetim balalar baspanamen qamtylǵan.
Sonymen qatar, byltyrǵy jyly mektep bitirgen 46 tárbıelenýshi joǵary jáne orta arnaýly oqý oryndaryna oqýǵa túsip, tegin bilim alýda. Onyń ishinde 30 – memlekettik grant, 10 – kolledjdiń granty, 2 - oqý ornynyń rektorynyń grantyna tússe, 4 – basqarmanyń qaladaǵy joǵary oqý oryndarymen júrgizilgen kelissózderdiń qorytyndysymen berilgen.
Bıyl 64 bala 9-synypty, 57 bala 11-synypty bitirmek. Olardyń bilim alýyna basqarma tarapynan jaǵdaılar jasalyp, ulttyq birińǵaı testileýge daıyndyq jumystary júrgizilýde. Búginde balalar úıindegi tárbıelenýshilerdiń sanyn azaıtý maqsatynda jetim jáne ata-anasynyń qamqorlyǵynsyz qalǵan balalar otbasylarǵa qorǵanshylyq, qamqorshylyq, patronattyq tárbıege berilýde.
Bul balalardyń «úıdegideı» otbasynda tárbıe alýyna, otbasylyq ómir men naryqtyq jaǵdaıǵa beıimdele otyryp, ómirlik jolyn tabýǵa oń septigin tıgizbek.
