Aımaqtar • 01 Maýsym, 2020

Balalar kúninde az qamtylǵan otbasylarǵa kómek kórsetildi

34 ret kórsetildi

Búgin 1 maýsym – Balalar quqyqtaryn qorǵaý kúnine oraı Nur Otan partııasy Shymkent qalasy fılıaly tóraǵasynyń birinshi orynbasary Bahadyr Narymbetov qaladaǵy birqatar az qamtylǵan kóp balaly otbasyǵa baryp, merekelerimen quttyqtady. Bul ıgi is, eń aldymen, ál-Farabı aýdanyna qarasty 21 sh.a., 22 úı, 48 páterde turatyn kóp balaly ana Gúlchehra Egemberdıevanyń otbasynan bastaldy.

Birinshi orynbasar bul otbasyǵa azyq-túlik jıyntyǵy, kıim-keshek jáne syılyqtar tapsyra otyryp, merekelerimen arnaıy quttyqtady.

– Balalar, merekelerińiz qutty bolsyn! Men de dál sizderdeı kóp balaly otbasynda ómirge kelgenmin. Úıde on janbyz, sonyń toǵyzynshysymyn. Sol sebepti aǵalarymnyń kıimin kıip óskenmin. Iаǵnı, úlken otbasynyń qyzyǵy men tárbıelik máni kóp. Buıyrsa, osylardyń arasynan jaqsy azamattar, myqty mamandar shyǵady. Sizderdi tórge súıreıdi. Úlken-úlken úıler salyp beredi, – dedi B.Mádeliuly.

Al BAQ ókilderine pikir bildirgen sátte B.Narymbetov: «Mereke kúninde balalardy qýanyshqa bóleý – bizge úlken abyroı. Bulaı jaqsy kóńil-kúı syılaýǵa tyrysqanymyz balalardyń kóńilinde bolashaqqa degen úlken senim uıalatýy múmkin. Olardyń kóńili tym názik. Sol sebepti el ózderimen birge ekenin sezingenin qalaımyn. Bul oraıda bizge demeýshilik tanytyp júrgen nurotandyq kásipkerlerge raqmet aıtamyn» dedi ol.

Osy rette alǵysyn jaýdyrǵan anaǵa birinshi orynbasar: Nur Otan partııasynyń ustanymy – osy, muqtaj jandardyń muńyn tyńdap, olarǵa kómek qolyn sozý. Dál búgin perzentterińiz bizben sýretke túsip jatsa, erteń sizdiń balalaryńyzben sýretke túsýge qumar jandar kóbeısin. Biri – ákim, biri chempıon bolsyn! Bastysy, elge eńbegi sińsin» dep jaýap qaıtardy.

О́z kezeginde kóp balaly ana merekemen quttyqtap kelgen nurotandyqtar men BAQ ókilderin súıinshi habarmen qýantty. Gúlchehra Egemberdıeva onynshy perzentine aıaǵy aýyr eken.

– Nur Otan partııasy esh kómegin aıaǵan emes. Mereke saıyn elep turady. О́tken joly «Biz birgemiz» aksııasymen 50 myń teńge berdi. Ataýly áleýmettik kómek jáne kóp balaly ana retinde járdemaqy alamyz. Memlekettiń osylaı qolǵabys bildirýi arqasynda alty ul, úsh qyz tárbıelep otyrmyz. Ekeýi – stýdent, ekeýi kishkentaı, beseýi mektepte oqıdy. Osy oraıda búldirshinderdi búgingi merekelerimen quttyqtap, ár bala meıirimge jáne baqytty bolýǵa laıyq ekenin aıtqym keledi, – dedi aıaýly ana.

Atalǵan otbasy páter jaldap turady. Kóp balaly ana retinde tirkelgen úı kezegi (585) jaqyndap qalǵan. «Buıyrsa, bıyl baspanaly bolamyz!» dep úmittenip otyr. Al joldasy jaıly aıtsaq, jumys isteıdi. Tabysy – 60 myń teńge. О́zi bala tárbıesinde.

Aıta keteıik, búgingi kómek barysynda qalamyzda az qamtylǵan otbasylardaǵy 150 balaǵa kıim berildi. Jalpy, qalada az qamtylǵan 17 593 otbasy, al kóp balaly 50 500 otbasy bar.

Sońǵy jańalyqtar

Izraıl «betperdesin sheshti»

Álem • Búgin, 16:32

Ilim adamǵa ne úshin qajet?

Rýhanııat • Búgin, 16:00

Palata otyrysynyń kún tártibi bekitildi

Parlament • Búgin, 15:48

«Ýkaznoı molda»: Ol kim?

Rýhanııat • Búgin, 15:25

Prezıdent Qaırat Kelimbetovti qabyldady

Prezıdent • Búgin, 14:43

Qaraǵandyda qylmystyq top quryqtaldy

Qoǵam • Búgin, 12:59

Dollar qaıta qymbattap jatyr

Ekonomıka • Búgin, 11:44

ShQO-daǵy Shar ózeninde balyq qyrylýda

Aımaqtar • Búgin, 10:49

Shymbulaq shyńynan 6 adam qutqaryldy

Qoǵam • Búgin, 10:32

Qurttyń ishinen esirtki tabyldy

Aımaqtar • Búgin, 09:43

«Astana» kósh bastady

Sport • Búgin, 09:40

Qyzylordada aýa sapasy nasharlaıdy

Aımaqtar • Búgin, 09:22

Shekarashy sarbazdar ant qabyldady

Qazaqstan • Búgin, 09:20

Jartylaı fınalda súrindi

Tennıs • Búgin, 07:56

Uqsas jańalyqtar