Qazirgi ýaqytta shlıýzderde shlıýz kameralarynda, sý taratý gallereıalarynda beton konstrýksııalyq elementterdi jóndeý jumystary istelip jatyr. Jyl sońyna deıin kólemi 40 myń m2 astam nysanda betondy qalpyna keltirý josparlanǵan. Shlıýzderge kúrdeli jóndeý júrgizý 2020-2025 jyldarǵa arnalǵan «Nurly jol» ınfraqurylymdy damytýdyń memlekettik baǵdarlamasynda qarastyrylǵan.
О́skemen, Buqtyrma jáne Shúlbi keme qatynasy shlıýzderi - Ertis basseınindegi sý kóliginiń negizgi strategııalyq obektileri. Olar gıdrotehnıkalyq qurylystardyń Joǵarǵy Ertis kaskadymen birdeı sý qoımalarynda 50 mln km3 astam sýdy tejeýdi qamtamasyz etedi. Osy jobany iske asyrý shlıýzderdegi apat táýekelderin azaıtýǵa jáne Ertis ózeni boıynsha tolassyz keme qatynasyn qamtamasyz etýge múmkindik beredi.
Búgingi tańda Ertis basseıninde júk tasymaldaý kólemi shamamen 1,4 mln tonnany qurap otyr. Bolashaqta Reseı jáne Qytaımen eki jaqty tasymal kólemin arttyrý arqyly júk aınalymy kólemin eki esege deıin arttyrý josparda bar.
