Soltústiktiń sýyǵynda palma ósirgen, oranjereıasyndaǵy sırek kezdesetin kóshkinderimen balalar túgil úlkenderdiń ózin tań qaldyratyn bul baqtyń ashylǵanyna 108 jyl bolǵan eken. Ol sońǵy jyldary jóndeýde bolyp, uzaq ýaqyt turǵyndardyń kóz qýanyshy bola almaǵan. Tek búgin ǵana bóbekterdi qýantyp, kelýshilerge qushaǵyn jaıyp qarsy aldy.
Baqtyń qaıta ashylýyna oblys ákimi Qumar Aqsaqalov, qala ákimi Bolat Jumabekov jáne taǵy basqa kelip, búldirshinderdiń baqty basyna kóterip, qýana júgirgenin, tańyrqap shýyldaǵanyn kózderimen kórdi. Kóp adamdardyń eńbegi sińip, uzaq ýaqyt boıy ósirilgen osynaý keremet murany jabylady eken degen sypsyń sózder de shyqqan. Biraq oblys bıýdjetiniń esebinen ol qaıta túlep, shirigen eski aǵashtary kesilip, jańa aǵashtar otyrǵyzylyp, ishindegi joldary jóndelip, jańa kóshkinder egildi. Kireberisindegi sý burqaq, sarqyrama jáne taǵy basqa kirgen adamnyń kóńilin birden kóteredi. Bolashaqta bul baq qala týrızminiń ortalyǵy bolar degen úmit bar. Osy nysanǵa Qazaqstanǵa eńbek sińirgen agronom Ravıl Rıazapovtyń sińirgen eńbegi zor. Baqqa kelgen qalalyqtar onyń atyna alǵystaryn aıtyp jatady.
QYZYLJAR
