Koronavırýs indetine qarsy kúrestiń ekinshi kezeńi sheńberinde Qazaqstannyń 19 qalasynda arnaıy óńdeýdiń jıyntyq otrıadtary qalalyq aýmaqtar men nysandardy dezınfeksııalaýdy jalǵastyrady. Qalalyq qurama pýnktterdi talaptarǵa sáıkes dezınfeksııa jumystary táýligine eki retten kem emes júrgiziledi. Qorǵanys mınıstri Nurlan Ermekbaev jeke quram men azamattardyń densaýlyq qaýipsizdigin qamtamasyz etý úshin árbir bólingen nysandy óńdeý tásili muqııat uıymdastyrylýǵa tıis ekenin atap ótti.
Karantın rejımin saqtaı otyryp 2019 jyly kóktemde áskerge shaqyrylǵan merzimdi qyzmettegi áskerı qyzmetshilerdi zapasqa shyǵarý jalǵasýda.
2019 jyly kóktemde áskerge shaqyrylǵan merzimdi qyzmettegi áskerı qyzmetshilerdi zapasqa shyǵarý jalǵasýda. Qaýipti jaǵdaı saqtalǵanyn eskere otyra, zapasqa shyǵarylǵan jáne áskerge shaqyrylǵandardyń qaýipsizdigin qamtamasyz etý úshin qajetti sharalar qabyldandy.
Qurlyq áskerleri Áskerı ınstıtýty men Radıoelektronıka jáne baılanys áskerı-ınjenerlik ınstıtýtynyń bitirýshi kýrsanttary úshin mańyzdy kezeń bastaldy. Joǵary oqý oryndarynda memlekettik attestattaý komıssııasy jumysqa kiristi. Qorǵanys mınıstrliginiń, túrler qolbasshylyǵynyń, ásker tekteri men áskerı bólimderiniń ókilderinen qurylǵan komıssııa bitirýshilerdi daıarlaý sapasynyń biliktilik talaptaryna sáıkes bolý deńgeıin anyqtaıdy. Keshendi memlekettik emtıhan eki kezeńde ótkiziledi. Atap aıtqanda qarý-jaraq pen áskerı tehnıkany qoldana otyryp júrgiziletin teorııalyq jáne praktıkalyq bólim. Qorytyndy attestattaýdyń mańyzdy quramdas bóligi kýrsanttardyń dene daıyndyǵy bolyp tabylady.
Shetel akademııalarynda oqıtyn QR QK ofıserlerine shet memleketterdiń qorǵanys vedomstvolarynan shákirtaqy tóleý boıynsha kelisim-sharttyq mindettemeler qosymsha pysyqtalyp engizildi.
Qarýly Kúshterde oqý polıgondaryn oq-dárilerden jáne olardyń fragmentterinen jappaı tazalaý jumystary jalǵasýda. Atap aıtqanda, 32 polıgonnyń 24-i tazalandy, tazalanǵan aýmaqtar 75 paıyzdy qurady. Sonymen qatar, qaýipsizdik sharalaryn kúsheıtý úshin polıgondardyń perımetrleri transheıalarmen jabdyqtalady.
Arys qalasy mańyndaǵy aýmaqty tazartýdy tótenshe jaǵdaı saldaryn joıý boıynsha biriktirilgen qurama odan ári jalǵastyrady. Áskerı basshylyq jumystardy júrgizý kezinde qaýipsizdik sharalaryn qatań saqtaýǵa erekshe nazar aýdardy.
Sonymen qatar áskerı qyzmetshilerdiń Máskeýdegi áskerı sherýge qatysýǵa daıyndyǵy bastaldy. Saltanatty sharaǵa qatysýǵa Qazaqstan desanttyq-shabýyldaýshy áskerleri áskerı bólimderiniń áskerı qyzmetshileri engizildi. Olardyń densaýlyǵynyń qaýipsizdigi úshin birqatar shekteýler engizildi. Atap aıtqanda, paradqa qatysýshylar qalǵan jeke quramnan oqshaýlanǵan, olarǵa bógde adamdar men týystarynyń kelýi shektelgen. Budan basqa, kúnine eki retten kem emes óńdeý, ylǵaldy tazalaý jáne jeldetý arqyly dezınfeksııalyq-sanıtarlyq rejımdi kúsheıtip, táýligine eki ret medısınalyq tekserýdi uıymdastyrý tapsyryldy.
Qarýly Kúshterdi aldaǵy ýaqytta taǵy da bir halyqaralyq oqıǵa, ıaǵnı 2020 jylǵy Armııa halyqaralyq oıyndary kútip tur. Baıqaýǵa daıyndyq jergilikti jerlerde júrgizilýde. Aqtyq komandalardyń quramyna kiretin úzdik úmitkerler irikteledi. Barlyq is-sharalar sanıtarlyq-epıdemııaǵa qarsy sharalardy saqtaı otyryp uıymdastyrylǵan.
Keńes barysynda jeke qurammen júrgiziletin aqparattyq-túsindirý jumystarynyń qorytyndysy shyǵaryldy. Qorǵanys mınıstri áskerı vedomstvonyń CALL-ortalyǵynyń basty mindeti túrli daýly máselelerdi, sonyń ishinde turǵyn úı jáne zeınetaqymen qamtamasyz etýdi túsindirýden turǵanyn atap ótti. Keńes berýdiń nátıjesinde áskerı bólimder men mekemelerge talap qoıý sany eki esege qysqardy.
Jeke quramnyń densaýlyq jaǵdaıyn saqtaýǵa da erekshe kóńil bólinedi. Osylaısha, kúrdeli jóndeý júrgizýge baılanysty kóp jylǵy úzilisten keıin aǵymdaǵy jyldyń 1 shildesinen bastap Shýchınsk qalasynda áskerı sporttyq bazada áskerı qyzmetshilerdi sanatorıı-kýrorttyq emdeý jáne ońaltý uıymdastyrylady.
