«Qazaqstan Reseımen jáne Belarýspen ekijaqty formatta da, EAEO, UQShU, TMD syndy ıntegrasııalyq birlestikter aıasynda da tyǵyz jumys júrgizip keledi. Reseı men Belarýs sııaqty Odaqtas memlekettiń quramyna qosylý bizdiń josparymyzda joq. Joǵaryda atalǵan uıymdar aıasynda ıntegrasııany odan ári damytý basym baǵytymyz bolyp qala beredi. Eýrazııalyq Ekonomıkalyq Odaqtyń áleýetin tek ekonomıkalyq odaq retinde kúsheıtýge múddelimiz. Kooperasııalyq baılanystardy damytý, taýarlardyń, kórsetiletin qyzmetterdiń jáne jumys kúshiniń ortaq naryǵyn qurý, atalǵan odaqqa múshe memleketterdiń ınvestısııalyq tartymdylyǵyn arttyrý arqyly EAEO-ny jahandyq aýqymdaǵy tıimdi qurylymǵa aınaldyra alar edik», - dedi Qasym-Jomart Toqaev suhbatynda.
Onyń aıtýynsha, bul baǵyttaǵy jumystar júıeli túrde ilgerilep jatyr. 2025 jylǵa qaraı ortaq energetıkalyq jáne qarjylyq naryq qalyptasady. Ásirese, sıfrlyq yqpaldastyq perspektıvaly baǵyt bolmaq.
«Keıde EAEO-da, tipti eń joǵary deńgeıde, qyzý pikirtalastar bolady, biraq bul talqylaýlar odaqty neǵurlym tabysty, bedeldi, tartymdy etýge degen ortaq talpynysty bildiredi. Al oǵan nemquraıly qaraý – anyq degradasııanyń belgisi», - delingen Prezıdent suhbatynda.
