«Reseı men Qazaqstan álemdegi bıdaı eksporttaýshy elderdiń alǵashqy ondyǵyna kiredi. Álemdik bıdaı eksportyndaǵy bizdiń úlesimiz 3%-dy quraıdy. OPEK-tiń sheshimderi munaı baǵasynyń qolaıly bolýyna qol jetkizý úshin óndiris kólemin tejeýge baǵyttalǵany belgili. «Astyq salasyndaǵy OPEK» qurý astyq naryǵynyń turaqtylyǵyn qamtamasyz etýge jáne astyqtyń baǵasyna qatysty saıasatty úılestirýge baǵyttalǵan qyzyqty bastama bolýy múmkin», dedi Qasym-Jomart Toqaev reseılik basylymǵa bergen suhbatynda.
Onyń aıtýynsha, aýa raıy men egin túsimi baǵaǵa eleýli yqpal etedi. Qazaqstandy qosa alǵanda, birqatar eldiń teńizge tike shyǵa almaýyna baılanysty naqty saýda-sattyq shekteýler bolady.
«Shekti baǵalardyń engizilýinen atalǵan elder zardap shegýi múmkin. Sodan keıin mundaı kartel qurý barysynda astyq óndirisi shaǵyn memleketterdiń múddelerin eskerý kerek. Sondaı-aq «Astyq salasyndaǵy OPEK» qurý isinde onyń DSU standarttaryna sáıkes kelýin de oılaný qajet. Degenmen osy tujyrymdamanyń ózi múddeli mamandardyń talqylaýyna ábden laıyq», - delingen suhbatta.
