Aımaqtar • 03 Maýsym, 2020

Aqtóbede mektep túlekterine Q.Jubanov atyndaǵy bilim granty tabystaldy

115 ret kórsetildi

Aqtóbede ata-anasynyń qamqorlyǵynsyz qalǵan balalarǵa onlaın rejımde sertıfıkat tapsyrý rásimi  ótti, oǵan Q.Jubanov atyndaǵy Aqtóbe óńirlik memlekettik  ýnıversıtetiniń rektory, professor Baýyrjan Erdembekov, Aqtóbe oblysynyń bilim basqarmasynyń basshysy Lázzat Orazbaeva, Aqtóbe kolledjderiniń dırektorlary jáne mektep túlekteri  qatysty.

О́z kezeginde Q.Jubanov atyndaǵy Aqtóbe óńirlik memlekettik  ýnıversıtetiniń rektory, professor Baýyrjan Erdembekov mektep bitirýshi túlekterdi quttyqtap, olardyń aldaǵy qadamdaryna sáttilik tiledi.

Oqý ordasynyń basshysy bıylǵy jyly «Jubanov kerýeni» jobasy aıasynda  Aqtóbe oblysynyń barlyq aýyl-aımaǵy men qala mektepterin aralap, jastarǵa durys mamandyq tańdaýda baǵyt-baǵdar berýde 6000-nan astam mektep bitirýshi jáne 900-ge jýyq kolledj túlekterimen kezdeskenin atap ótti. Atalǵan joba aıasynda 45 túlekke Q.Jubanov atyndaǵy bilim grantynyń sertıfıkaty tabystaldy. Olar osy jyly  «Meniń tańdaýym – Jubanov» devızi boıynsha qara shańyraqqa oqýdy maqsat etip otyr.

Mektep túlekterimen onlaın kezdesýde rektor  óńirdegi jetim jáne ata-anasynyń qamqorlyǵynsyz qalǵan 25 balaǵa  grant sertıfıkatyn tabystaıtynyn málimdedi.

Eske salsaq, Q.Jubanov atyndaǵy Aqtóbe óńirlik memlekettik  ýnıversıtetinde jastardy áleýmettik qorǵaý maqsatynda biraz jobalar iske asyrylýda. Ýnıversıtette oqý aqysyna jeńildikter berý erejesi bekitilgen. Stýdentterdiń bilim, ǵylym, óner salasyndaǵy jetistikteri, otbasy jaǵdaıy eskerilip, sońǵy 2019-2020 oqý jylynda kategorııalar boıynsha 752 stýdentke 25-100%-dyq jeńildikter berildi. Naqtylaı ketsek, jetim balalardyń oqý aqysyna 100%, kóp balaly otbasynan shyqqan úzdik stýdentterge 50% jeńildik beriledi. Sonymen qatar oqýda, sportta nemese shyǵarmashylyqta jetistikteri bar talapkerler men bilim alýshylar Q.Jubanov atyndaǵy bilim grantyna nemese shákirtaqyǵa  úmitker bola alady. 200-ge jýyq stýdentke óńir demeýshileri men kásiporyndary qarjylaı qoldaý kórsetýde.

Aıta keteıik, rektor  Baýyrjan Erdembekov túrli olımpıadalardyń jeńimpazdary, múmkindigi shekteýli balalar men ata-ana qamqorlyǵynsyz qalǵan jastardy qanatynyń astyna alyp, únemi qoldaý kórsetip otyrady. Bul rette bilimniń kıeli shańyraǵyna balanatyn Aqtóbedegi irgeli oqý ornynyń seksen bes jyldyq mereıli datasyna oraı ýnıversıtet basshylyǵy  tarapynan múmkindigi shekteýli, túrli baıqaýlardyń jeńimpazdary, ata-anasynyń qamqorlyǵynsyz qalǵan jáne tolyq emes otbasynan shyqqan mektep bitirýshige 85 bilim granty bólinip otyr.

Sońǵy jańalyqtar

«Kanelo» qarsylas tańdady

Kásipqoı boks • Búgin, 10:00

Qulybaev qyzmetinen ketti

Qoǵam • Búgin, 09:20

Qyrǵyzǵa qarsy shyǵady

Boks • Búgin, 09:00

Fatıma hanymnyń kóılegi

Tarıh • Búgin, 08:59

Vagner Lav Danııada oınaıdy

Fýtbol • Búgin, 08:57

Jyrshylyq mektep qaıta jańǵyrdy

Bilim • Búgin, 08:55

Álimhanuly Andradeni jeńe ala ma?

Boks • Búgin, 08:52

Myqtylar Melbýrnde bas qosty

Tennıs • Búgin, 08:51

Kóktalǵa kópir syılaǵan

Aımaqtar • Búgin, 08:49

AvtoHQO-lar jumysyn qaıta bastady

Qoǵam • Búgin, 08:47

Kásip meńgergen qatardan qalmaıdy

Qazaqstan • Búgin, 08:40

Áleýmettik tólemder keshikken joq

Qoǵam • Búgin, 08:37

Donor bolý – ómir syılaý

Medısına • Búgin, 08:35

Jańa jyldan bastap jalaqy ósti

Qoǵam • Búgin, 08:33

Almatyǵa 10 reanımobıl syılady

Medısına • Búgin, 08:31

Depozıttiń maksımaldy somasy kóbeıdi

Ekonomıka • Búgin, 08:30

2 mıllıon montajdalǵan anod óndirdi

Qazaqstan • Búgin, 08:29

«Omıkron» jedel taralýda

Álem • Búgin, 08:23

Mamandyqtarǵa da mán bergen jón

Bilim • Búgin, 08:20

Uqsas jańalyqtar