Tótenshe jaǵdaı departamentiniń málimetine sáıkes, búgin saǵat 13:55-te «101» pýltine Medeý aýdanyndaǵy Saǵadat Nurmaǵambetov kóshesi, 150 mekenjaıynda órt shyqqany týraly habarlama kelip túsken. Budan soń, órt sóndirý brıgadasy shuǵyl túrde atalǵan mekenjaıǵa jiberilgen. Belgili bolǵandaı, órt salynyp jatqan ǵımarattan shyqqan.
«Tilsiz jaý saǵat 14:14-te aýyzdyqtaldy. Onyń kórshi ornalasqan ǵımaratqa taralýyna jol berilmedi. Qazir órt aýmaǵy anyqtalyp jatyr. О́rtti sóndirýge barlyǵy 17 jeke quram múshesi men 4 tehnıka jumyldyrylǵan», delingen habarlamada.
Sondaı-aq ǵımarattyń shatyrynda gaz balony jarylǵany anyqtaldy.
