Bıznes • 04 Maýsym, 2020

Kásipkerlerdiń muń-muqtajy sheshimin taba ma?

22 ret kórsetildi

«Úlken úıge ne kerek bolsa – otaýǵa da sol kerek» demekshi, kásipkerliktiń iri jáne shaǵyn bolyp keletin qurylymdyq sıpatyna qaramastan qajettilikteri uqsas ári mańyzdy. Sondyqtan olardyń muń-muqtajyna qulaq túrip, týyndap otyrǵan máselesin sheshýge kómek berý de mańyzdy.

Mysaly, temir jol men tas joldyń toǵysqan tusynan boı kótergen kókónis saqtaý qoımasynyń qurylysy – aldyna zor maqsat qoıǵan joba. Bir mezette 100 vagon kókónisti saqtaýǵa qaýqarly keshende 100 adam jumys isteıtin bolady. Ashana, qonaq úıi qatar turatyn nysannyń qurylysyn aıaqtaý jáne zamanaýı qural-jabdyqtary úshin 150 mln teńge tómendetilgen nesıe qajet ekenin jetkizdi kásipker Álııa Sarmýrzına. Sonda jemis-jıdegi men kókónisi syrttan tasymaldanatyn Mańǵystaýda baǵany turaqtandyrýǵa, azyq qoryn uzaq saqtaýǵa múmkindik mol.

Munaılydaǵy taǵy bir iri kásipkerlik sýbektisi – «Saýqymbek» JShS-niń un kombınaty. Astyqty tikeleı Qostanaı oblysynan tasymaldap, sońǵy úlgidegi dıirmennen tartyp, sapaly un shyǵaratyn kásiporynnyń óz qıyndyǵy bar. Kásipker Aqjibek Sákenqyzynyń aıtýynsha, teriskeıden batysqa jetkenshe astyqtyń tasymal quny sharyqtap ketedi. Sondyqtan da kásipker temir jol tasymalyna sýbsıdııa surap otyr. Aıtýynsha, sonda ǵana unnyń qunyn ósirmeýge sep bolady. Bul bolashaqta makaron, jaıma, ózge de un ónimderin shyǵarýdy mejelep otyrǵan zaýyt úshin asa mańyzdy. Kom­bınatta kúnine 150 tonna ónim shyǵarylady. Onyń 75%-y – un, 25 %-y – kebek jem. 2017 jyly iske qosylǵan keshende 55 adam jumys isteıdi. Kásipkerdiń jospary qoldaý tapsa ju­mys­shylar sanyn eki esege deıin kóbeıtýge bolady deıdi.

Munaıly aýdany men Aqtaý qalasynyń saýda núktelerin ystyq nanmen qamtamasyz etip otyrǵan naýbaıhana ıesiniń aıtary bólek. 2018 jyly ashylǵan naýbaıhanada elektr qýatynyń quny qymbatqa túsip tur. 6 adamǵa jumys kózin taýyp bergen isker un baǵasynyń da ýaqyt sanap kóterilip bara jatqanyn tilge tıek etip, áleýmettik nannyń baǵasyn 70 teńgeden asyrmaı ustaý qıyndyq keltiretinin jasyrmady. Kúnine 2 myńnan astam nan pisiretin oryn ózekti máseleleriniń sheshimin tabatynynan úmitti.

Kásipkerlerdiń tilge tıek etkeni bir nárse aıtyp qalýdyń keri emes, sharýasyn dóńgeletip, kásibinen nesibe kórip, el-jurtty jumyspen qamtýdyń jaıy. Kásipkerlermen kezdes­ken Mańǵystaý oblysy kásipkerler palatasynyń dırektory E.Izbergenov atalǵan máseleler boıynsha quzyrly oryndarǵa usynys jasalatynyn, olardyń múddesi úshin tıimdi kelisimge kelýge atsalysatynyn atap ótti. Kezdesý kásipkerlerdiń ótinishin tyńdaýmen ǵana emes, nátıjeli bolýymen mańyzdy.

 

Mańǵystaý oblysy

 

Sońǵy jańalyqtar

Saýran aýdanyna alǵashqy ákim taǵaıyndaldy

Taǵaıyndaý • Búgin, 15:52

Atyraý oblysynda 37 jańa mektep salynady

Aımaqtar • Búgin, 15:27

Jalaqysy kóp óńirler anyqtaldy

Qarjy • Búgin, 14:30

Veterınarlar qartaıyp barady

Qazaqstan • Búgin, 12:10

Elimizde kúnbaǵys maıy qymbattady

Qoǵam • Búgin, 11:18

Uqsas jańalyqtar