Vırýsty juqtyrǵandardyń 5-eýi Pavlodar qalasynda, 2-eýi Kenjekól kentinde jáne Baıanaýyl aýdanynda anyqtaldy.
COVID-19-dy 1962, 1992, 1995 jyldary týǵan er adamdar jáne 1956, 1959, 1977, 1984 jyldary týǵan áıel adamdar juqtyrǵan.
Eki pavlodarlyq ózderin nashar sezinýine baılanysty — dene qyzýy kóterilip, álsizdik, tez sharshaý jáne tábettiń joqtyǵy belgileri boıynsha medısınalyq kómekke ózdiginen júgingen. Eki adam profıldi medısınalyq tekseristen ótken, taǵy ekeýi — Nur-Sultan qalasynan bir reıspen kelýine baılanysty koronavırýsqa tekserilgen. Bir pasıent buǵan deıin vırýsty juqtyrǵan adammen qarym-qatynasta bolǵany úshin tekseristen ótken.
Baıanaýyldan kelgen 64 jastaǵy áıel ótkir pankreatıt dıagnozymen jedel medısınalyq járdem brıgadasynyń kómegimen aýrýhanaǵa jatqyzylǵan.
58 jastaǵy er adam kóp jyldar boıy týberkýlez dıagnozymen dıspanserlik esepte turǵan, densaýlyǵy nasharlaǵan soń aýrýhanaǵa jatqyzyldy.
61 jastaǵy áıel stasıonarǵa glaýkomanyń ótkir ustamasy dıagnozymen jatqyzyldy. Barlyq jaǵdaıda COVID-19 ǵa analız alyndy. PTR-zertteý nátıjesi barlyǵynyń vırýsty juqtyrǵanyn kórsetti.
Pasıentter OBIA juqpaly aýrýlar bólimine jatqyzyldy. Turǵylyqty jerleri jáne jumys oryndary boıynsha naýqastarmen baılanysta bolýy múmkin adamdar toby anyqtaldy. USO fılıalynyń mamandary aýrý oshaqtarynda zararsyzdandyrý sharalaryn júrgizdi. Epıdemııaǵa qarsy sharalar óńirde qolǵa alynǵan.
О́tken táýliktegi jaǵdaı boıynsha Pavlodar oblysynda koronavırýs ınfeksııasyn juqtyrǵan 224 adam tirkelgen, olardyń ishinde 159-y jazylyp shyqqan.
