Keńes músheleri de qalys qalmaı, mańyzdy máselelerdi qozǵaǵan bolatyn. Mańǵystaý oblysy óńirlik ekologııalyq keńesiniń tóraǵasy Qajymurat Haırýshev munaı-gaz kompanııalary tarapynan ekologııalyq talaptarynyń jıi buzylýy týraly, munaı qubyrlary jarylǵan jaǵdaıda onyń qorshaǵan ortaǵa aıtarlyqtaı zııan kelmeı turyp shuǵyl qalpyna keltirýde shyn máninde naqty táýekelder baryn ashyp aıtty. Ol Kaspıı teńizindegi jıi qyrylatyn ıtbalyqtar týraly da sóz qozǵady. Onyń pikirinshe, Kaspıı teńizin lastamaý múmkindigine ıe bolý úshin munaı-gaz ken oryndarynyń obektilerinde onlaın monıtorıng ornatý qajet. Sonymen qatar, turmystyq qatty qaldyqtar boıynsha da túıini tarqamaǵan máseleler bar. Sonymen qatar, Kaspıı mańy elderi arasynda mártebesinen aıyrylyp qalý qaýpi zor ekendigin de joqqa shyǵarmady.
О́ńirlik ekologııalyq keńestiń múshesi Kırıll Osın «Caspian Oil Trans» JShS tarapynan memlekettik normatıvterdiń, qaýipsizdik erejeleriniń kóptegen buzýshylyqtary jáne tehnologııalyq qubyr túrinde salynbaqshy qurylystan, naqty magıstraldyq munaı qubyrynan, uıymymen ekologııalyq normalardy buzylýyna jol berilmek, onyń saldary biraz qıyndyqtarǵa ákeletini týraly sóz qozǵady.
Eko-ambassador Ádilbek Qosabaqov Rasmsar Konvensııasy týraly jáne osy mańyzdy halyqaralyq qujattan Qazaqstan tabıǵaty úshin qandaı paıdaly tustary bar ekendigi týraly túsinik berdi. Onyń aıtýynsha, sýly-batpaqty alqaptardyń jaı-kúıin ekspress-baǵalaý aıaqtalǵan.
О́ńirlik keńestiń basqa da músheleri óz pikirlerin ortaǵa saldy. Keńes jumysyna Mańǵystaý oblysynyń Ekologııa departamentiniń basshysy Rýslan Tókenov qatysyp, qorshaǵan ortany qorǵaýǵa qatysty barlyq ózekti máselelerge tushymdy jaýaptar berdi.
Aldaǵy ýaqytta óńirlik ekologııalyq Keńes aımaqtaǵy ekonomıkalyq ósý men qorshaǵan orta deńgeıiniń jaqsarýy arasyndaǵy teńgerimdi saqtaý jónindegi naqty usynystarmen tıisti mekemelerge shyǵatyn bolady. Birinshi kezekte kásiporyndardy jańa jasyl tehnologııalarǵa kóshýin yntalandyrý týraly máseleni alǵa tartý mańyzdy. Keńes jumysynyń mańyzdy baǵyttarynyń biri bolyp - qorshaǵan ortany qorǵaý salasyndaǵy mádenıetti arttyrý bolyp tabylady.
Esterińizge sala keteıik, atalǵan keńes qoǵamdyq negizdegi konsýltatıvtik-keńesshi organ bolyp tabylady, oǵan múshe retinde belsendiler, blogerler, ÚEU basshylary, sondaı-aq Mańǵystaý oblysy boıynsha ekologııa departamentiniń basshysy jáne baqylaýshy retinde Mańǵystaý oblysynyń tabıǵat qorǵaý prokýrory kirgen bolatyn.
Mańǵystaý oblysy
