– Azamattardy jumyspen qamtý jol kartasy» baǵdarlamasynyń arqasynda Almatyda 10 myńnan astam turaqty jumys orny paıda boldy. Jospar boıynsha biz 26 myńdaı jańa jumys ornyn ashamyz. Bul - negizinen qurylys salasynyń mamandary. Bizde kafel jabystyratyn, dánekerleýshi sııaqty mamandyqtarǵa suranys joǵary. Olardyń ortasha jalaqysy - 80-120 myń teńge aralyǵynda, – deıdi Danııar Álkebaıuly.
Basqarma basshysynyń orynbasary sondaı-aq, qalada «Eńbek» baǵdarlamasy júzege asyrylyp jatqanyna toqtalyp ótti.
«Eńbek» baǵdarlamasy boıynsha jumys berýshiler ýaqytsha jumys oryndaryn uıymdastyrady. Ol úshin bıýdjetten qarajat qarastyrylǵan. Bul - qoǵamdyq jumystar, áleýmettik jumys oryndary jáne jastar praktıkasy. Qoǵamdyq jumysqa qatysatyn adamdardyń eńbegine aqy tóleýdi halyqty jumyspen qamtý ortalyǵy aı saıyn jumys berýshiler usynǵan málimetter negizinde júrgizedi. Eń tómengi jalaqy - 85 000 teńge. Sondaı-aq, tehnıkalyq jáne kásiptik oqý bar. Ol jerde 9-11 synypty bitirgen túlekter, joǵary oqý ornyna túse almaǵan jastar bilim ala alady. Ol boıynsha bıyl 2 500 adamdy qamtamasyz etemiz», - deıdi ol.
Almaty qalasy kásipkerler palatasynyń dırektory Narıman Ábilshaıyqovtyń aıtýynsha, qalada 700 myńnan astam adam kásipkerlik salasynda jumys isteıdi.Tótenshe jaǵdaı kezinde 80-ge jýyq kásiporynyń jumysy toqtady.
«Jumyspen qamtý jol kartasy» jáne «Eńbek» baǵdarlamasy aıasynda qalamyzdaǵy kásipkerlerge kómek qarastyrylyp otyr. Áleýmettik jumys, jastar tájirıbesi boıynsha kásipkerlerimiz ózine qajetti mamandyqtardy ıegip jatyr. Sondaı-aq, «Atameken» qoldaý ortalyǵy» jobasyn júzege asyryp jatyrmyz. Maqsat – jumyssyz azamattardy jumysqa ornalastyrý. Ár menedjer kúnine 5 bos jumys ornyn málimetter bazasyna jáne jumyssyzdarmen jumys bólimine qosady. Sonymen, búgingi tańda Almatydaǵy bos jumys oryndarynyń málimetter bazasynda 107 mamandyq bar, 1908 adam jiberildi», - deıdi jaýapty maman.
