Qazaqstan • 06 Maýsym, 2020

Búgin elimizdiń batysy men shyǵysynda jańbyr jaýady

362 ret

kórsetildi

1 mın

oqý úshin

Atmosferalyq frontaldy bólikterdiń ótýine baılanysty 6 maýsym kúni elimizdiń batysy men shyǵysynda naızaǵaı oınap, jańbyr jaýady, jekelegen aýmaqtarda daýyl, burshaq boljanady. Qazaqstannyń qalǵan aýmaǵy áli de joǵary atmosferalyq qysym aımaǵynda bolǵandyqtan jaýyn-shashynsyz aýa raıy kútiledi. Jekelegen óńirlerde jel kúsheıip, ońtústik pen ońtústik-batysta shańdy daýylmen saqtalady, dep habarlady «Qazgıdromet» RMK.

Egemen Qazaqstan

Búgin elimizdiń batysy men shyǵysynda jańbyr jaýady

Shyǵys Qazaqstan oblysynyń keı jerlerinde jeldiń ekpini 25 m/s kúsheıedi. Túnde - tuman, kúndiz burshaq jaýýy yqtımal, keı jerlerinde daýyl kútiledi.

Túrkistan oblysynyń keı jerlerinde jeldiń kúshi 25 m/s artyp, shańdy daýyl turady. Almaty, Jambyl, Qyzylorda, Mańǵystaý, Batys Qazaqstan, Qaraǵandy, Aqtóbe, túnde Atyraý, kúndiz Pavlodar oblystarynyń keı jerlerinde 15-20 m/s kúshpen jel soǵady. Qyzylorda, kúndiz Atyraý oblystarynda shańdy daýyl kóteriledi.

Qyzylorda, Jambyl oblystarynda, Túrkistan, Qaraǵandy, Almaty, Aqmola, Pavlodar oblystarynyń keı jerlerinde, Aqtóbe oblysynyń ońtústiginde óte joǵary órt qaýpi kútiledi.