«Qazirgi kezeńde mıkrobıznesti qoldaý mańyzdy másele bolyp otyr. «Bıznestiń jol kartasy – 2025» memlekettik baǵdarlamasyna «shaǵyn jáne mıkrobıznesti shaǵyn nesıeleý» jańa baǵyty engiziledi. Qarjylandyrý sýbsıdııalaý esebinen 6%-dan aspaıtyn mólsherleme boıynsha qoljetimdi bolady. Búginde osyndaı nesıeler boıynsha mólsherlemeler joǵary. Jańa baǵyt 6%-dan aspaıtyn mólsherleme boıynsha nesıe alýǵa múmkindik beredi», - dedi mınıstr.
Onyń aıtýynsha, aınalym qarajatyn tolyqtyrýǵa 5 mln teńgege deıin jáne óndiristik qajettilikterge 20 mln teńgege deıin nesıe beriledi. Qarjylandyrý kózderi bankter men mıkroqarjy uıymdarynyń óz qarajaty bolady.
«Bul rette kepil berý máselesi sheshilýde. Damý Qory qaryzdyń negizgi boryshynyń 85% - yna deıin kepildik berýdi qamtamasyz etedi. Jańa baǵyt «BJK-2025» memlekettik baǵdarlamasyna ózgerister engizýdi, sondaı-aq ekinshi deńgeıli bankterdi tartýdy talap etedi. Sondyqtan bir aı ishinde shaǵyn nesıeleýdiń jańa baǵytyn iske qosý josparlanyp jatyr», - dedi Rýslan Dálenov.
