Qazir temirjol vokzaldary, avtovokzaldar, avtostansııalar qyzmetine kiristi. Qoǵamdyq kólikter, travmaılar da óz baǵyttaryna kóshelerge shyqty. Al oblys aýmaǵyndaǵy blok-posttar alyndy. Reseı shekarasynyń aýmaǵyna qoıylǵan 5 avtobeket áli jabyq.
Sondaı-aq túrli salondar, ateleler ashyq, azyq-túlik bazarlary, shaǵyn marketter men dúkender de qalypty jaǵdaıda qyzmet kórsetýde. Biraq kınoteatrlar, jattyǵý zaldary, saýna, monsha, basseınder áli ashylǵan joq. Qoǵamdyq oryndardaǵy tamaqtaný oryndary bir ýaqytta tek 30 adamdy ǵana qabyldaı alady.
Bas sanıtarlyq dárigerdiń aıtýynsha, eger bir aptanyń ishinde óńirde koronavırýsty juqtyrý deńgeıi 5 paıyzǵa tómendese, jabyq turǵan mekemeler ashylady. О́tken aptada oblystaǵy COVID-19-dy juqtyrý deńgeıi 9,2 paıyzdy kórsetti. Qaýlydaǵy jańa erejege sáıkes turǵyndarǵa medısınalyq betperdeni sheshýge ruqsat joq.
Pavlodar oblysy
