"Qazaqstan Respýblıkasy Mədenıet jəne sport mınıstrliginiń atynan qazaq tiliniń teorııalyq negizin qalaýshy, belgili tilshi-ǵalym, fılologııa ǵylymynyń doktory, professor, Ahmet Baıtursynuly atyndaǵy Til bilimi ınstıtýtynyń bas ǵylymı qyzmetkeri Asqar Jubanovtyń qaıtys bolýyna baılanysty otbasy men týǵan-týysqandarynyń qaıǵysyna ortaqtasyp, kóńil aıtamyn.
Asqar aǵamyz sanaly ǵumyryn el keleshegi jolyndaǵy qyzmetke arnap, til ǵylymynyń damýyna ólsheýsiz úles qosqan jany jaısań, bolmysy bólek azamat edi.
Uzaq jyl kóptegen shəkirtter shoǵyryn tərbıelep, artynda óshpes mol mura qalyptastyrdy. Osynaý sətte ult rýhanııatynyń temirqazyǵy Abaı Qunanbaıulynyń: "...óldi deýge syıa ma, oılańdarshy, ólmeıtuǵyn artyna sóz qaldyrǵan?", - degen paıymdy sózi kóńil túkpirine uıalaıtyny anyq.
О́zinen keıin dúıim jurtqa ólmes hat qaldyrǵan aǵzam ǵalymnyń asyl beınesi el esinde məńgi saqtalady.
Marqumnyń topyraǵy torqa, jatqan jeri jaıly, jany jánnatta bolsyn!", - dedi A. Raıymqulova.
