“О́kinishke qaraı, karantındik sharalardy jeńildetý turǵyndardyń beıqamdyǵyna alyp keldi. Turǵyndardyń basym kópshiligi betperde kımeıdi, áleýmettik qashyqtyqty saqtamaıdy, qaýipsizdik erejelerin elemeıtin boldy. Tyıym salynǵanyna qaramastan, kóptegen adamdardyń qatysýymen otbasylyq is-sharalar uıymdastyrylady. Bul aıtylǵandarǵa koronavırýs ınfeksııasymen syrqattanýshylyq jaǵdaılaryna epıdemıologııalyq tekserý júrgizgendegi qorytyndylar dálel bolyp otyr”, – dep qynjylys bildirdi oblystyń bas memlekettik sanıtarlyq dárigeri.
Qanat Asqarovtyń aıtyp otyrǵany ras: búgingi kúni oblysta KVI juqtyrǵandardyń jalpy sany 1 290 adamǵa jetti. Jeti adam osy indetten kóz jumdy.
Mine, epıdemıologııalyq jaǵdaı osylaısha ýshyqqan soń, oblystyń bas memlekettik sanıtarlyq dárigeri karantındi kúsheıtý týraly sheshim qabyldaýǵa májbúr bolǵanyn habarlady.
Sonymen, 2020 jyldyń 13 maýsymynan bastap Qaraǵandy oblysynda qoǵamdyq kólik tańǵy saǵat 06.00-den 10.00-ǵa deıin jáne saǵat 17.00-den 21.00-ge deıin ǵana júretin boldy. Quqyq qorǵaý, arnaıy qyzmetter men medısınalyq memlekettik organdar men uıymdardy qospaǵanda, jeke avtokóliktiń barlyq túrlerine saǵat 23.00-den 05.00-ge deıin júrýge tyıym salynady. Taksımen tek bir jolaýshyny nemese bir eresek adamnyń ertýimen kámeletke tolmaǵan eki balany tasymaldaýǵa bolady. Epıdemıologııalyq jaǵdaı turaqtanǵanǵa deıin Jezqazǵan, Qarqaraly jáne Shet aýdanyndaǵy Jaryq kentiniń karantındik aımaqtarynyń perımetri ýaqytsha belgilenedi. Olardyń kirý jáne shyǵý joldaryna blok-beketter ornatylady.
Sonymen birge, birqatar nysandar úshin jumys kestesine shekteýler engiziledi. Halyqqa qyzmet kórsetý ortalyqtary kelýshilerdi saǵat 10.00-den 17.00-ge deıin qabyldaıdy. Saýda-oıyn-saýyq ortalyqtary, saýda úıleri men ortalyqtary jańa kestege kóshedi: jumys kúnderi saǵat 09.00-den 21.00-ge deıin, demalys kúnderi saǵat 09.00-den 13.00-ge deıin bolady. Azyq-túlik jáne azyq-túlik emes bazarlar jumys kúnderi saǵat 09.00-den 17.00-ge deıin ashylady. Demalys kúnderi “Sanıtarlyq kún” ótkizý úshin jabylýy tıis. Stasıonarly emes qoǵamdyq tamaqtandyrý núkteleriniń, atap aıtqanda, dúńgirshekter, donerhanalardyń, onyń ishinde saıabaqtarda, gúlzarlarda jáne basqa da jerlerde ornalasqan nysandardyń qyzmetine tyıym salynady. Memlekettik mekemeler men uıymdarda, ulttyq kompanııalarda jáne olardyń fılıaldarynda, keńselerde qyzmetkerlerdiń keminde 70%-y qashyqtan jumys isteý formatyna kóshýi tıis. Jasy 65-ten asqan adamdarǵa asa qajet bolmasa, kóshege shyǵý shekteledi. Sondaı-aq, 14 jasqa deıingi balalardyń eresektersiz júrip-turýyna, otbasy múshelerin qospaǵanda, úsh adamnan astam toppen jınalýyna tyıym salynady. Qaraǵandyda, Maıqudyq aýmaǵynda saıabaqtar, balalardyń aýla alańdary jabylady, gúlzarlar men alańdarda serýendeýge tyıym salynady.
Oblystyń bas sanıtarlyq dárigeriniń qaýlylaryndaǵy talaptardyń saqtalýyn baqylaý kúsheıtiledi. Tártip buzýshylar qoldanystaǵy ákimshilik zańnamaǵa sáıkes jazalanatyn bolady.
Brıfıngtiń sońynda taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysy Qanat Asqarov oblys turǵyndaryn barlyq erejelerdi qatań saqtaýǵa jáne koronavırýs indetimen kúreske beı-jaı qaramaýǵa shaqyrdy.
