Inditex konserniniń ıesi Amansıo Ortega tek Zara-nyń ǵana emes, sondaı-aq Bershka, Pull & Bear jáne Massimo Dutti dúkenderiniń ıesi. Onyń aıtýynsha, kóbinde eski jáne shaǵyn dúkender jabylady. Esesine onlaın-satylym ulǵaıatyn boldy.
Málimdemege sáıkes, qyzmetkerler sany qysqarmaıdy. Endi olar onlaın satylym boıynsha jumys isteıtin bolady. Inditex dúkenderiniń sany 7 412-den 6 700-ge deıin qysqarady. Sondaı-aq jańa 450 dúkenniń ashylatyny belgili boldy. Alaıda olardyń qaıda ashylatyny ázirge belgisiz.
Álemdegi eń iri kıim rıteılerleriniń biri Inditex pandemııa kezinde qatty zardap shekti. 1 aqpan - 30 sáýir aralyǵynda satylym 44% - ǵa ıaǵnı 3,3 mlrd eýroǵa deıin tómendedi. Kompanııanyń málimetinshe, osy jyldyń birinshi toqsansanyndaǵy taza shyǵyn 409 mıllıon eýrony quraǵan. Degenmen, onlaın satylym toqsan ishinde jyldyq eseppen salystyrǵanda 50% - ǵa jáne sáýir aıynda jyldyq eseppen 95% - ǵa ósken.
