ShYǴYP QALǴANNYŃ ORNYNA SAILAÝ О́TEDI

Ortalyq saılaý komıssııasynyń qaýlysyna sáıkes shyǵyp qalǵannyń ornyna  Parlament Senatynyń Qos­ta­naı oblysy boıynsha depýtatyn saılaý aǵymdaǵy jyldyń 23 sáýirine belgilenip otyr.  Ortsaılaýkom bekitken saılaýdy ázirleý men ótkizý bo­ıynsha negizgi sharalardyń kún­tiz­belik josparyna sáıkes 2 sáýir kúni kandıdattardy tirkeý aıaqtaldy. Saılaý naýqany barysynda barlyǵy eki kandıdat usynyldy: As­qar Aronuly Muratov – ózin-ózi usyný tártibimen jáne Jeńis Mı­ras­uly Nurǵalıev – Qostanaı oblystyq máslıhaty usynǵan. Eki kandıdatty da Qostanaı oblystyq saılaý komıssııasy 1 sáýir kúni tirkedi. Kandıdattardyń saılaýaldy úgiti 21 sáýir kúngi 24.00 saǵatqa deıin júredi. Saılaý zańnamasyna sáıkes, árbir Parlament Senaty depý­tat­tyǵyna kandıdatqa saılaýaldy úgit júr­gizýge, sondaı-aq kóliktik shy­ǵyndarǵa respýblıkalyq bıýdjetten qarjy bólingen. Onan basqa, árbir kandıdat saılaý qoryn qura alady. 2 sáýir kúni Ortalyq saılaý ko­mıssııasy óz otyrysynda “2010 jylǵy 23 sáýirdegi shyǵyp qalǵannyń or­nyna Parlament Senatynyń Qos­tanaı oblysy boıynsha depýtatyn saılaýdaǵy saılaý bıýlleteni týraly” qaýly qabyldady. Bul qaýlymen saılaý bıýlleteniniń mátini bekitilgen, sondaı-aq Qostanaı oblystyq saılaý komıssııasyna saılaý bıýlletenderin jetkizý merzimi anyqtalǵan. Parlament Senaty depýtattaryn saılaýdy janama saılaý quqyǵy ne­gizinde  jasyryn daýys berý arqyly tańdaýshylar – Qostanaı oblysy máslıhattarynyń depý­tattary ózde­ri­niń birlesken otyrysynda júzege asyrady. Parlament Senaty depýtattaryn saılaý jónindegi tańdaýshylar tizimi jergilikti buqaralyq aqparat qural­darynda 15 sáýirden keshiktirilmeı jarııalanatyn bolady. Daýys berýdi, daýystardy sanaýdy jáne daýys berý nátıjelerin jarııalaýdy Qostanaı oblystyq saılaý komıssııasy bir kún ishinde – 23 sáýirde júrgizedi. Ortalyq saılaý komıssııasy  saılaýdyń túpkilikti qory­tyndylaryn 2010 jylǵy 29 sáýirden keshiktirmeı anyqtaýy jáne 2 mamyrdan keshiktirmeı olardy BAQ-ta jarııalaýy tıis, dep habarlady Ortsaılaýkomnyń baspasóz qyzmeti.