Aımaqtar • 13 Maýsym, 2020

"Rahat" kondıterlik fabrıkasy karantınge jabyldy

56 ret kórsetildi

Almatynyń Bas sanıtary saqtyq sharalaryn saqtap, kópshilik oryndardan aýlaq bolýǵa shaqyrady, - dep habarlaıdy Egemen.kz.

Almaty qalasynyń Taýarlar men qyzmetterdiń sapasy men qaýipsizdigin baqylaý departamenti Kók bazar aýmaǵyndaǵy "Kompanııa Dostar-Kommers" bazary qyzmetkerleriniń arasynda koronavırýs ınfeksııasyn juqtyrý oqıǵalarynyń tirkelýine baılanysty tıisti sharalar men epıdemıologııalyq zertteý júrgizý úshin Kók bazardyń qyzmeti toqtatylǵany týraly habarlaıdy.

Almaty qalasynyń Bas memlekettik sanıtar dárigeri Jandarbek Bekshın kásipkerlik sýbektileriniń karantın rejımin saqtaýyn baqylaý maqsatynda quramynda Polısııa departamentiniń, TQSQBD aýdandyq basqarmalarynyń, "Atameken" kásipkerler palatasynyń ókilderi bar ákimdiktiń monıtorıngtik toptary jumys isteıtinin atap ótti.

Osyǵan deıin monıtorıngtik toptardyń tekserýi barysynda Kók bazar aýmaǵynda jumysshylar men satýshylar úshin baılanyssyz termometrııanyń saqtalmaýy, áleýmettik qashyqtyqtyń saqtalmaýy jáne kelýshiler arasynda qashyqtyq saqtaý úshin arnaıy belgilerdiń belgilenbeýi, jeke qorǵanys quraldaryn tıissiz qoldaný jáne ýtılızasııalaý, tıisti jumys rejıminiń oryndalmaýy syndy tártipbuzýshylyqtar anyqtaldy.

Anyqtalǵan tártipbuzýshylyqtarǵa baılanysty QR ÁQtK 425-babynyń 2-tarmaǵyna sáıkes ákimshilik quqyqbuzýshylyq týraly hattama toltyrylyp, Medeý aýdanynyń bas memlekettik sanıtar dárigeriniń 2020 jyldyń 13 maýsymynan bastap "Kompanııa Dostar-Kommers" qyzmetin sot sheshimi shyqqanǵa deıin toqtatý týraly qaýlysy shyqty. Qazirgi ýaqytta ákimshilik istiń materıaldary Almaty qalasynyń mamandandyrylǵan ákimshilik sotyna berýge ázirlený ústinde.

Bazardyń ákimshiliginen koronavırýs ınfeksııasyn juqtyrýdyń birinshi oqıǵasyn zertteý barysynda taǵy 19 jaǵdaı anyqtaldy, ol da Ákimshilik qatarynan shyqqan. Osylaısha, Kók bazarda indetti juqtyrǵan qyzmetkerleri sany 20-ǵa jetken. Satýshylar arasynan juqtyrý oqıǵalary anyqtalmady. Qaıtys bolǵan adamǵa qatysty (Bazar ákimshiliginiń uıymdastyrý bóliminiń qyzmetkeri) onyń óliminiń sebepterin qalalyq Qoǵamdyq densaýlyq saqtaý basqarmasynyń janyndaǵy ólim sebepterin zertteıtin Komıssııa anyqtaıtyn bolady.

Sonymen birge, koronavırýs ınfeksııasyn aýrý belgilerisiz taratýshylardyń anyqtalýyna baılanysty "Rahat" kondıterlik fabrıkasynyń da jumysy toqtaǵanyn habarlaımyz. Alǵashynda 8 adam anyqtalyp, olardan teplovızor arqyly joǵary temperatýranyń anyqtalýyna baılanysty jumysqa jiberilmedi. Sonymen birge 1450 qyzmetkerge test júrgizilgen. Osyǵan baılanysty Bas memlekettik sanıtap dárigeriniń qaýlysyndaǵy talaptarǵa sáıkes qyzmetkerler úı karantınine bosatyldy. Fabrıka ákimshiligi ózderiniń sheshimimen jumysty 15 maýsymǵa deıin toqtatqan. TQSQBD aýdandyq basqarmalaryna epıdemııaǵa qarsy sharalar tolyǵymen aıaqtalǵansha fabrıka jumysyn toqtatý týraly qaýly berildi.

"Kórip otyrǵandaryńyzdaı, sizderdiń taraptaryńyzdan qaýipsizdik sharalarynyń qamtamasyez etilmeýi – bul personal men kelýshiler termometrııasy, áleýmettik qashyqtyqtyń saqtalýyn qamtamasyz etý, sanıtaızerler men dezınfeksııalyq quraldar qorynyń bolýy – sizderdiń uıymdaryńyzdaǵy qyzmetkerler arasynda aýrýdyń taraýyna jáne nysannyń jumysyn toqtatýǵa alyp keldi. Sanıtarlyq-epıdemıologııalyq qaýipsizdik rejım sharalaryn qatań túrde saqtaýlaryńyzdy talap etemin. Maska taǵý rejımin saqtap, jeke qorǵanys quraldaryn (maskalar, qolǵaptar) aýystyryp turý óte mańyzdy", - dedi kásipkerlerge qarata aıtqan sózinde J.Bekshın.

О́z kezeginde, azamattarǵa áli de adamdar kóp jınalatyn oryndarǵa baratyn oryndardan aýlaq bolý jáne úı karantıninde bolǵan kezde jeke oqshaýlaný qaǵıdasyn qatań ustaný keńesi berildi.

"Qaýipsizdik sharalaryn saqtaý arqyly sizder ózderińizdiń jaqyndaryńyzdyń densaýlyǵyn saqtaısyzdar", -dep atap ótti Almaty qalasynyń Bas memlekettik sanıtar dárigeri Jandarbek Bekshın.

Monıtorıngtik toptardyń baqylaý sharalarynyń barysynda a.j. 11-12 maýsymynda 120 kásipkerlik sýbektileri tekserildi. Olardyń ishinde 29-nan tártip buzýshylyqtar anyqtaldy: "Aınbulaq", "Qazyna", "Mızam", "О́jet", "Ásem", Nazar JK, "Sochı" bazarlary, "Úrimshi", "Ahaeva" JK ashanalary, "Stroı sıtı", "Alataý-2", "Jibek joly" MTS, "Jibek-Joly" SÚ saýda ortalyqtary, "QOJAHMET" JK kanselıarııalyq taýarlar dúkeni, "Kabýldınov" JK, "Asoev M.K." JK azyq-túlik dúkenderi, "KOMPRESSOR" JShS, "M-Retail" JShS qosalqy bólshekter dúkeni, "Sapsan" JShS medısınalyq kompanııasy, "Álııa", "Ásel" sulýlyq salondary, "Mesto vstrechı", "Prajechka", "Lýna", "Oscar cinema&karaoke", "Degirmen", "Istanbul", "light bar", "Almaty doner", "Sentr shashlyka" dámhanalary. Maska taǵý rejıminiń saqtalmaýy, terige arnalǵan antıseptıkter men dezınfeksııalyq quraldar, sanıtaızerler joqtyǵy, dezınfeksııalyq týnnelderdiń jaramsyzdyǵy, temperatýra ólsheý tártibiniń saqtalmaýy, sonymen birge kireberiste aqparattyq habarlandyrýlardyń joqtyǵy syndy tártipbuzýshylyqtar anyqtalǵan.

Monıtorıngtik toptar jumysyn bastaǵaly beri qala boıynsha barlyǵy 2 606 nysan tekserilip, olardyń ishinde 194-nen Almaty qalasy Bas memlekettik sanıtar dárigeriniń qaýlysyndaǵy talaptar buzylǵany anyqtaldy. Soǵan baılanysty 94 nysannyń (olardyń ishinde 80-i nysan basshylyǵynyń sheshimimen) jumysy toqtatyldy.

Sońǵy jańalyqtar

Sáresiniń berekesi

Rýhanııat • Keshe

Pandemııa sabaqtary

Bilim • Keshe

Koreı tolqyny

Kıno • Keshe

Ulttyń uly ustazy

Rýhanııat • Keshe

Ilim adamǵa ne úshin qajet?

Rýhanııat • Keshe

«Ýkaznoı molda»: Ol kim?

Rýhanııat • Keshe

Dollar qaıta qymbattap jatyr

Ekonomıka • Keshe

Uqsas jańalyqtar