Keshe paradqa qatysýshylar mingen ushaq Máskeý mańyndaǵy "Chkalovskıı" áskerı aerodromyna qondy.
Daıyndyq kezinde qazaqstandyq áskerı qyzmetshiler "Zvenıgorodskıı" áskerı sanatorııinde turatyn bolady. Densaýlyq qaýipsizdigin qamtamasyz etý maqsatynda parad qatysýshylaryna halyqpen jáne adamdarmen qarym-qatynasty boldyrmaý úshin jattyǵýlardan basqa, aımaqtan tys shyǵýǵa tyıym salynady.
Áskerı qyzmetshiler Máskeýge keter aldynda koronavırýsqa PTR-test tapsyrdy. Aıta ketý kerek, qatysýshylar ár úsh kún saıyn koronavırýsqa qatysty PTR-test tapsyrady.
Daıyndyq aldyn alý jáne epıdemııaǵa qarsy is-sharalar keshenin múltiksiz oryndaı otyryp, karantındik sharalardy qatań saqtaý arqyly júzege asyrylatyn bolady. Atap aıtqanda: táýligine eki ret medısınalyq tekserý, úı-jaılardy sanıtarlyq óńdeý jáne jeldetý, áskerı qyzmetshilerdi qajetti dezınfeksııalaý jáne medısınalyq jeke qorǵaný quraldarymen qamtamasyz etý.
Jattyǵýlar Máskeý mańyndaǵy "Alabıno" polıgonynyń alańynda ótedi. Jalpy parad esebindegi qazaqstandyq áskerı qyzmetshilerdiń birinshi jattyǵýy 15 maýsymǵa josparlanǵan.
