Almas Batanov 1977 jyldyń 21 qarashasynda týǵan. 2000 jyly Qazaq memlekettik agrarlyq ýnıversıtetin, al 2004 jyly Almatynyń tehnologııa jáne bıznes ýnıversıtetin, 2010 jyly Nottıngem Ýnıversıtetin támamdaǵan.
Eńbek jolyn 2000 jyly Almaty qalasyndaǵy "Metrologııa" respýblıkalyq memlekettik kásiporynda jetekshi maman bolyp bastaǵan.
2000-2009 jyldar aralyǵynda Almaty jáne Nur-Sultan qalalarynda "Qazaq metrologııa ınstıtýty" respýblıkalyq memlekettik kásiporny ortalyǵynda bas maman, basqarma basshysy, ortalyq basshysynyń orynbasary, ortalyq basshysy qyzmettterin atqarǵan.
2013 jyldan 2014 jyldar aralyǵynda Qazaqstan Respýblıkasy óńirlik damý Mınıstrliginiń óńirlik monıtorıng jáne baǵalaý departamentiniń dırektory boldy.
2014 jyldan 2016 jyldar aralyǵynda Premer-Mınıstr orynbasarynyń keńesshisi, Qazaqstan Respýblıkasy Ulttyq ekonomıka mınıstrligi Statıstıka komıteti tóraǵasynyń orynbasary laýazymdarynda boldy.
2016 jyldan 2019 jyldyń sáýiri aralyǵynda Qazaqstan Respýblıkasy Premer-mınıstri keńsesi basshysynyń orynbasary, Qazaqstan Respýblıkasy Indýstrııa jáne ınfraqurylymdyq damý mınıstrligi Indýstrıaldy damý jáne ónerkásiptik qaýipsizdik komıtetiniń tóraǵasy, sonymen qatar Qazaqstan Respýblıkasy Memlekettik hatshysy hatshylyǵynyń meńgerýshisi qyzmetterin atqarǵan.
