"Spıra-Berga" zaýytynda gaz jáne sýmen qamtý, sý qubyrynyń ınjenerlik jelileri úshin polıetılen qubyrlaryn shyǵarý durys jolǵa qoıylǵan. Zaýyttyń óndiristik qýattylyǵy joǵary, munda jylyna 8 myń tonnadan astam ónim shyǵarylady. 75 jumys orny quryldy.
Qala ákimi alty jeli arqyly atqarylatyn óndiris úrdisimen tanysty. Jumys prosessteriniń basym bóligi avtomattandyrylǵan, onyń ishinde sıfrlyq baqylaý jáne barlyq jumys toraptary men agregattarynyń parametrlerin basqarý da bar.
Memlekettik qoldaý sharalarynyń arqasynda kásiporyn jabdyqtaryn modernızasııalaýda, al bul jumys sapasyn arttyryp, qubyrlardy mehanıkalyq jáne ýltrakúlgin sáýlelerden zaqymdanýdan qorǵaýda. Zaýyt Almatynyń sý, gaz, káriz qubyrlaryna, sonymen qatar kabelderdi sýarý jáne qurǵatý júıelerin qorǵaıtyn qubyrlarǵa degen suranysyn qamtamasyz ete alady.
Qala basshysy jumys sapary barysynda qubyrlar assortımentin ıgerý men "Atameken" Ulttyq kásipkerler palatasymen jáne merdigerlik kompanııalarmen birge kásiporyndardyń tapsyrys berý máselesin qarastyrýdy tapsyrdy.
Sonymen qatar qala ákimi "Manýfaktýra 24" JShS áıelderdiń dızaınerlik kıimder shyǵaratyn óndiristik sehynda boldy. Munda 24 adam jumys isteıdi.
B. Saǵyntaev qalaǵa belgili bir taýarlarǵa jáne qyzmetterge degen suranysty qanǵattandyratyn ári sapaly jumys oryndaryn ashatyn osyndaı ShOB kásiporyndarynyń qajet ekenin atap ótti.
