"Búginde oblysta koronavırýs ınfeksııasyn juqtyrǵandar sany kóbeıip keledi. Túgel otbasy, ujym bolyp aýrý juqtyrǵandar tirkelýde. Aýrýhanalarda qazirdiń ózinde 200-ge jýyq adam em alyp jatyr. Vırýstyń qaýiptiligi sonshalyq, aýrý juqtyrǵandar arasynda pnevmonııaǵa shaldyqqandar sany ósýde. Aýrýhanalarda oryn tapshylyǵy bolǵandyqtan biz basqa aýrýhanalardy bosatýǵa májbúrmiz. Sonymen qatar, bizdiń dárigerler men olardyń kómekshilerine, júrgizýshiler men sanıtarlarǵa úlken kúsh túsip otyr. Olardyń basym kópshiligi birneshe aı boıy balalaryn qushaǵyna alyp, otbasylarymen júzdespegen. Mynadaı qarqynmen biz dárigersiz qalýymyz múmkin. Eger turǵyndar saqtyq sharalaryn saqtamaı, odan ári toılar, ujymdyq kezdesýler ótkize berse, qatań shekteý sharalaryn qaıtadan engizýge májbúr bolamyz" dep jazdy Batys Qazaqstan oblysynyń ákimi áleýmettik jelidegi óz paraqshasyna.
Biz óńirdegi epıdemıologııalyq ahýal týraly Batys Qazaqstan oblystyq densaýlyq saqtaý basqarmasynyń basshysy Bolatbek Qaıýpovtyń ózinen bildik.
Bolatbek Amangeldiuly aldymen oblysta keshe koronavırýstan qaıtys bolǵan eki adam týraly aıtty. Olar – 1932 jyly dúnıege kelgen áıel jáne 1941 jyly týǵan er adam. Ekeýi de dárigerge der kezinde qaralmaı, aýrýyn asqyndyryp alǵan.
"Dál qazir Batys Qazaqstan oblystyq juqpaly aýrýlar aýrýhanasynda 151 naýqas jatyr. Olardyń sany sát saıyn ózgerýde, biz jazylǵan adamdardy úıine shyǵaramyz, jańa naýqastar da ústi-ústine túsip jatyr. Eń qıyny, jańadan túskenderdiń ishinde aýrýdyń jeńil túrine shaldyqqandar joq. Iаǵnı, aýrýhanadaǵy naýqastardyń 130-dan astamy – orta dárejeli. 18 adamnyń syrqaty aýyr dep baǵalanǵan. Bir adam ókpeni jasandy jeldetý apparatyna qosyldy. Ottegige táýeldi 20 shaqty adam bar. Sońǵy kezde aýrýdyń aýyr túri kóbeıdi, naýqastardyń kóbi tynys ala almaıdy, qos ókpesi qabynǵan", deıdi Bolatbek Qaıýpov.
16 maýsym kúni ǵana Batys Qazaqstan oblysynda 57 koronavırýstyń sımptomsyz túrin, al 21 adam sımptomdy túrin juqqtyrǵany anyqtalǵan. Basqarma basshysyynń aıtýynsha, aýdandardan kún saıyn, saǵat saıyn jańa naýqastar tirkelip jatyr. Onyń sebebi - turǵyndar karantındik saqtyq sharalaryn saqtaýdy umytqan. Týǵan kún, toı, sadaqa, qudalyq sekildi kópshilik sharalarynan vırýs juqtyrǵan naýqastar óte kóp. Keıbiri aýrýhanaǵa otbasymen túgel túsken. Vırýs tipti memlekettik mekemelerge tarap, iri ujymdarda da paıda bolǵan.
"Biz únemi karantın jaǵdaıyn saqtap otyra allmaımyz. Turǵyndardyń sanalylyq deńgeıi ósýi kerek. Ár adam saqtanýy kerek. Betperde taǵyp júrý, ara qashyqtyqty saqtaý óte mańyzdy. «Eger biz bul talaptardy saqtamasaq, bul vırýs árqaısymyzǵa, ár otbasyǵa keledi», dedi Bolatbek Amangeldiuly.
О́ńirde aýrý sany kúrt kóbeıip ketkendikten jergilikti bılik qosymsha oryn ashýǵa májbúr bolǵan.
"Qazir oblystyq juqpaly aýrýlar aýrýhanasy toldy. Kesheden bastap Oral qalalyq kópbeıindi aýrýhana janynan 220 oryndyq jańa bólim ashýǵa májbúr bolyp jatyrmyz. Sonymen birge naýqastardyń bir bóligin perınataldy ortalyq pen onkologııalyq dıspanserge de ornalastyratyn bolamyz. Sonymen birge aldyn ala josparlanǵan barlyq otany ýaqytsha toqtatamyz, barlyq kúshti koronavırýspen kúreske salamyz. Biraq bizdiń kúshimiz shekteýli. Batys Qazaqstan oblysynda medısınalyq mamandar kóp emes, olardy daıyndaıtyn joǵary oqý ornymyz joq. Bizde naqty sany belgili turaqty ujym ǵana bar. Bul dárigerlerdiń erligin sózben jetkizý qıyn. Eshkim baıqamaıtyn únsiz erliktiń ıesi – solar", dedi Batys Qazaqstan oblystyq densaýlyq saqtaý basqarmasynyń basshysy.
Sońǵy kúnderi Batys Qazaqstan oblystyq juqpaly aýrýlar aýrýhanasynyń bas dárigeri Nádııa Ahmetovanyń óz erkimen qyzmetinen ketýi de halyq arasynda túrli áńgime týǵyzǵan bolatyn. Bas dáriger men basqarma basshylyǵy arasynda kelispeýshilik bolǵan degen qaýeset te taraǵan. Bolatbek Qaıýpov muny joqqa shyǵardy.
"Ol áriptesimdi túsinemin. Osy indet bastalǵaly eń qıyn qyzmette, maıdannyń naǵyz qaınaǵan oshaǵynda qyzmet etti. Ol maman retinde de, adam retinde de qatty sharshaǵan bolýy kerek. Osydan bir aı buryn qyzmetten bosatý jóninde aryz jazǵan bolatyn, biraq mundaı qıyn sátte jumysyn qaldyryp ketýge bolmaıtynyn aıtyp kóndirgen edim. Biraq sońǵy kúnderi ol taǵy ótinish jazdy, oǵan qol qoımasqa bolmady. Áıtpese, bizdiń aramyzda eshqandaı kıkiljiń bolǵan joq. Basshylyq tarapynan aýrýhananyń barlyq kerek-jaraǵy, dári-dármegi men mamandary tolyq qamtamasyz etilip turdy", dedi basqarma basshysy.
Bolatbek Amangeldiulynyń aıtýynsha, qazir koronavırýspen aýyrǵan adamdardy emdeý úshin jeke sektorda jumys jasaıtyn medbıkeler, sanıtarlar, rentgenologtar, anestezıologtar jáne t.b. mamandar shaqyrylyp jatyr. О́ıtkeni aýrýdyń taralýy tómendemese, dáriger tapshylyǵy týýy múmkin. Biraq óńirdegi dárigerlerdiń kóbi mundaı jumystan bas tartqanyn aıtqan basqarma basshysy «bul áriptesterimdi de kinálaı almaımyn» dedi.
Batys Qazaqstan
