"Qaýipti indettiń ýshyǵa túsýine baılanysty Úkimet epıdemııalyq jaǵdaıdy turaqtandyrý úshin jańa sharalardy qolǵa aldy. Osy oraıda Almatyda da karantın rejımin kúsheıtý jóninde qosymsha sharalar qabyldandy.
Senbi-jeksenbi, ıaǵnı 20-21 maýsym kúnderi iri saýda jáne qyzmet kórsetý nysandarynyń, qoǵamdyq kóliktiń qyzmeti toqtatylady. Buǵan qosa saıabaqtar, skverler men jaıaý júrginshiler aımaǵy, ózender men sý qoımalarynyń jaǵalaýlary, taý shańǵysy kýrorttary jáne basqa da qoǵamdyq oryndar jabylady.
Osyǵan baılanysty qala turǵyndaryn bul jumystarǵa túsinistikpen qaraýǵa shaqyramyn. Karantın sharalaryn bosańsytý – COVID-19-dyń órshýine ákep soqty. Qala turǵyndarynan kóshede júrýin shektetýin suraımyz. Ásirese qart adamdardyń úıde otyrǵany abzal. Qaýipi dendep bara jatqan myna aýrýdy tunshyqtyrý ózimizge baılanysty ekenin esten shyǵarmaıyq. Barlyq týyndaǵan suraqtar boıynsha 1308 nómirindegi call-ortalyqqa habarlasýǵa bolady", - dep jazdy Almatynyń ákimi.
