Esirtki qylmysyna qarsy is-qımyl basqarmasynyń qyzmetkerleri Ǵabıt Músirepov atyndaǵy aýdannyń ortalyǵy Novoıshımskoe aýylynyń birneshe márte isti bolǵan turǵynyn ustady. “BMW” avtokóliginiń 43 jastaǵy júrgizýshisi kólik salonynda úsh jolaýshyny áketip bara jatqan. Kólikti qaraý kezinde shyntaqqoıǵyshtyń ishinen eki polıetılen paketke salynǵan ósimdik tektes zat alynǵanda jolaýshylar ań-tań boldy. Izdestirý jumysyn esirtki izdeýge mashyqtanǵan spanıel ıt Bých aıaqtady. Saraptama alynǵan zattyń jalpy salmaǵy 220 gramm esirtki ekenin kórsetti.
Budan bólek, júrgizýshini tekseristen ótkizý barysynda onyń esirtkilik masań kúıde ekeni anyqtaldy. Ol “InDriver ” qosymshasy arqyly eki jolaýshyny almastan buryn marıhýana shekkenin rastady.
Onyń aıtýynsha, ol marıhýanany eki jyl boıy qoldanyp keledi eken.
SQO PD Esirtki qylmysyna qarsy is-qımyl basqarmasy bastyǵynyń orynbasary Ivan Terzıdıdiń sózinshe, júrgizýshige qatysty QR Ákimshilik quqyq buzýshylyqtar týraly kodeksiniń 608-baby boıynsha ákimshilik hattama toltyryldy. Ustalǵan adam Petropavl qalasynyń sotymen 15 táýlikke qamaqqa alynyp, kólik basqarý quqyǵynan jeti jylǵa aıyryldy. Bul soltústik qazaqstandyq saqshylardyń kólikti esirtkilik masań kúıde júrgizgen júrgizýshilerdi ustaýynyń tórtinshi faktisi.
