Beketaev aýtsorsıng arqyly qylmystyq ister boıynsha ishki ister organdary taǵaıyndaǵan sot saraptamalarynyń keıbir túrlerin básekelestik ortaǵa berý týraly Ádilet mınıstrliginiń, Ishki ister mınıstrliginiń jáne Bas prokýratýranyń birlesken buıryǵyna qol qoıylǵanyn aıtty.
Sonymen, atalǵan buıryq boıynsha, Almaty, Shymkent qalalarynda jáne Pavlodar oblysynda pılottyq jumys iske qosyldy, sondaı-aq aǵymdaǵy jyldyń maýsym aıynyń sońyna deıin Nur-Sultan qalasynda iske qosylady.
Aýtsorsıng arqyly saraptamanyń kelesi túrleri beriledi: sot-saraptamalyq avtotaýartaný zertteýi, sot qurylys saraptamasy, sot trasologııalyq saraptamasy, psıhologııalyq jáne sot-medısınalyq saraptamasy, sot psıhologııalyq-fılologııalyq saraptamasy, jol-kólik oqıǵasy jaǵdaılary men kólik quraldarynyń sot saraptamasy, kompıýterlik tehnologııa quraldaryn sot-saraptamalyq zertteý jáne tiri adamdarǵa sot-medısınalyq saraptama júrgizý.
Qazirgi ýaqytta Shymkent jáne Pavlodar oblysynda pılottyq jumys aıasynda jeke sot sarapshylarymen qylmystyq ister boıynsha 164 túrli sot-saraptamalyq zertteýler júrgizilgenin aıtqan jón (osy jyldyń mamyr jáne 17 maýsymǵa deıingi aralyqtaǵy málimetterge sáıkes).
Jalpy, atalǵan joba kelesi jaǵdaılarǵa yqpal etetini kútilýde:
- saraptama taǵaıyndaý ýaqytyn qysqartý, ásirese qamaýda otyrǵan adamdardyń qylmystyq isteri boıynsha;
- memlekettik sarapshylardyń júktemesin azaıtý;
- jeke sot saraptamasy ınstıtýtyn damytý;
- memlekettik bıýdjet shyǵyndaryn qysqartý.
Eske túsirsek, 2018 jyldyń qarasha aıynan bastap Ádilet mınıstrligi Joǵarǵy Sotpen birlesip, sottardyń Nur-Sultan jáne Almaty qalalary boıynsha sot-saraptama ınstıtýttaryna jeke sot sarapshylaryna alǵashqy sot qurylys saraptamasy, sot taýartaný saraptamasy jáne sot ekonomıkalyq saraptamasy boıynsha saraptamalar taǵaıyndaý pılottyq jobasy júzege asyryldy. Tájirıbe óziniń oń nátıjesin berdi.
Máselen, 2019 jyly sottardyń uıǵarymy boıynsha jeke sot sarapshylary azamattyq ister boıynsha 706 sot saraptamalaryn ótkizdi, bul memlekettik bıýdjettiń shyǵyndaryn 42 mıllıon teńgeden astam azaıtýǵa múmkindik berdi.
