Biraq aýdan ákimdiginiń málimetinshe, respýblıkalyq bıýdjettik komıssııa bul máseleni qarastyrýda. Belovod sý jelisi tipti, monopolıster reestrine engizilýi múmkin.
Mundaı jaǵdaıda sýdyń bir tekshe metriniń baǵasy 300 teńdegen 7-8 esege qymbatqa túsýi múmkin. Al, sý qory jetkilikti. Bıyl aýdandaǵy 27 aýylǵa taza aýyzsý berilmek.
"Aýdandaǵy 10 aýyl Belovod toptyq sý qubyrynyń asa mańyzdy toptyq jáne jergilikti sýmen jabdyqtaý júıeleriniń tizimine engizildi. Bul sý paıdalanýshylar úshin tarıfti sýbsıdııalaýǵa múmkindik berdi. Buǵan deıin aýyl turǵyndary tutynǵan sýdyń tekshe metri úshin 300 teńgeden tólep kelse, jaqyn ýaqytta tómendetilgen mólsherlememen tóleı alady", - deıdi aýdan ákimi Aıan Beısekın.
Jalpy aýdandaǵy toptyq sý qubyry arqyly sýmen jabdyqtaý júıesiniń qýaty táýligine 6 myń tekshe metrdi quraıdy.
Negizi aýdandaǵy sý tutynýshylary táýligine 2 myń tekshe metrden artyq sý paıdalanbaıdy.
Sondyqtan qorda qalǵan 4 myń tekshe metr sýdy óńir turǵyndary qandaıda bir apat oryn alǵan jaǵdaıda kemi 3 kún paıdalana alady.
Oblys ákimdigi Belovod toptyq sý qubyryna taza aýyzsý jetpegen kórshi aýdandardaǵy aýyldardy qosý múmkindigin qarastyrýdy tapsyrdy.
Qazirgi kezde sý qubyrlarynyń jalpy uzyndyǵy 236,4 shaqyrym. Bıylǵy jyly 203,2 mıllıon teńgege Úlgili, Qaraǵash jáne Yntymaq aýyldarynda sý jelileriniń qurylysy aıaqtaldy.
Pavlodar oblysy
