Tilsiz jaýmen arpalysatyn qutqarýshylar osylaısha ózderiniń azamattyq pozısııasyn bildirýde. Qan tapsyryp, qoldan kelgenshe kómek kórsetip jatqan qutqarýshylardyń arasynda bolǵan jaıdy kózimen kórip, balalardyń ómirine arasha túskender de bar.
"Bizdiń órt sóndirý bóliminiń qutqarýshylary oqıǵa ornyna alǵashqy bolyp jetip, tilsiz jaýdy aýyzdyqtaýǵa bar kúshin saldy. Odan keıin aýrýhanadaǵy eki qyzǵa kómek kerek ekendigin estip, oblystyq tótenshe jaǵdaılar jónindegi departamentiniń mamandary men qaladaǵy barlyq órt sóndirý bólimderi, sondaı-aq Kókshetaý tehnıkalyq ınstıtýtynyń oqytýshylary osy sharaǵa qatysýdy jón sanadyq", – deıdi №2 mamandandyrylǵan órt sóndirý bóliminiń bastyǵy Jandos Jarmuhanbetov.
Eki qyzdyń jaǵdaıyna alańdaýly qala turǵyndary da bul rette belsendilik tanytýda. Oblystyq qan ortalyǵynyń mamandary donorlardyń kóbeıýi adamdardyń boıyndaǵy janashyrlyq sezimniń moldyǵynan desedi.
