Júrgizilgen jumystar barysynda SJQMJ qujattarynyń sany men quramy jáne olardyń qoldanystaǵy júıege kirigýi anyqtaldy.
"Sybaılas jemqorlyqqa qarsy is-qımyl saıasaty" ázirlendi jáne bekitildi. QR zańnamasynyń normalaryn eskere otyryp, ISO 37001 talaptary boıynsha qujattalǵan rásimder ázirlendi: Múddeler qaqtyǵysyn sheshý saıasaty; Sybaılas jemqorlyq táýekelderin baǵalaý; Syılyqtar men ókildik shyǵystar.
Osy qujattarǵa aıqyndalǵan prosedýralar, talaptar negizinde, qosymsha kelesideı qujattar bekitildi: Sybaılas jemqorlyqqa qarsy is-qımyl standarty; Múddeler qaqtyǵysy jáne sybaılas jemqorlyqqa qarsy is-qımyl saıasatyn saqtaý týraly Deklarasııasy; Syılyqty alǵany týraly habarlamasy;
Ýnıversıtet qyzmetkeriniń eńbek shartyna Qosymsha kelisimi; Ýnıversıtet qyzmetkeriniń laýazymdyq Nusqaýlyǵy; Bilim berý qyzmetterin kórsetý shartyna Sybaılas jemqorlyqqa qarsy Eskertpesi; Syrtqy uıymdarmen jáne isker áriptestermen ózara qarym-qatynastardyń sybaılas jemqorlyqqa qarsy Eskertpesi redaksııalandy jáne jańadan engizildi.
Ázirlengen ádistemege sáıkes ýnıversıtettiń bólimshelerinde sybaılas jemqorlyq táýekelderin baǵalaý boıynsha tıisti jumystar júrgizildi. Táýekelder, mańyzdylyǵy boıynsha, sıfrlanǵan jáne taldaýǵa alynǵan, olar boıynsha saraptama berilgen. Mańyzdy sybaılas jemqorlyq táýekelderin baǵalaý tizilimine, ýnıversıtettiń táýekelderin barynsha azaıtý jáne sapaly basqarý máseleleri boıynsha, qajetti is-sharalar júrgizilip jaýapty tulǵalar anyqtaldy.
Atalǵan qujattar negizinde ýnıversıtettiń professor oqytýshylar quramy jáne barlyq qyzmetkerleri "múddeler qaqtyǵysy jáne sybaılas jemqorlyqqa qarsy saıasatty saqtaý týraly Deklarasııaǵa", "eńbek shartyna Qosymsha kelisimge" jáne "Laýazymdyq Nusqaýlyqtarǵa" (jańa redaksııada daıyndalǵan) (al barlyq bilim alýshylar bilim berý qyzmetin kórsetý shartyna sybaılas jemqorlyqqa qarsy eskertpege) qol qoıdy. Osy qol qoıylǵan qujattarda sybaılas jemqorlyq táýekelderiniń (qaýipteriniń) aldyn alý maqsatynda barlyq qyzmetkerlerdiń jáne jumys berýshiniń jaýapkershiligi, mindetteri men quqyqtary aıqyndalǵan.
О́tkizilgen jumystyń qorytyndysy retinde ústimizdegi jyldyń 12 jáne 15 maýsymynda "Evrosert" kompanııasy (E V R O C E R T Certifikacijainadzor sistemamenadąmenta SCG) sertıfıkasııalyq aýdıt júrgizip, onyń nátıjesi boıynsha Abaı atyndaǵy Qazaq ulttyq pedagogıkalyq ýnıversıtetine, olar engizgen sybaılas jemqorlyqqa qarsy is-qımyl menedjmenti júıesi HS ISO 37001-2016 standartynyń talaptaryna sáıkes jumys jaǵdaıynda ekendigi týraly belgilengen úlgidegi sertıfıkat berý týraly alǵash ret sheshim qabyldandy.
