Tórt kún boıy tártip saqshylary jol qozǵalysyna qatysýshylardyń jol júrisi erejelerin saqtaýyn kúsheıtilgen túrde qadaǵalady.
Buzýshylyqtardyń basym bóligi – qaýipsizdik belbeýin elemeý, olardyń sany – 435. Sondaı-aq 256 júrgizýshi avtokólik basqarý kezinde uıaly telefon qoldanǵan.
"О́kinishke qaraı kóptegen júrgizýshi ózine qolaıly bolýy úshin jol júrisi erejeleriniń talaptaryn elemeıdi", deıdi bul jóninde SQO PD bastyǵynyń birinshi orynbasary Qanat Aıtbaev. Alaıda jol-kólik oqıǵasy oryn alǵan kezde júrgizýshini joldaǵy jaǵdaıdan alańdatqan telefondaǵy áńgime de, qaýipsiz beldigin taqpaı ózine senimdi bolýy da mańyzdy bolmaıdy. Zańnyń ár normasy jolda qaıǵyly jaǵdaıdyń oryn alýyn barynsha azaıtýǵa baǵyttalǵanyn este saqtaǵan jón.
13 avtomobıl ıesi kólik quralyn zańsyz qaıta jabdyqtaǵany úshin jaýapqa tartyldy, onyń tórteýi – talaptarǵa sáıkes kelmeıtin ksenon shamdaryn ornatqandar. Polıseıler: kólikke taqqan arzan shamdardyń aqyry jaqsylyqqa aparmaıtyndyǵyn, qarsy baǵyttaǵy júrgizýshiniń kózin fara jaryǵy shaǵylystyratynyn eskertedi. Durysy sertıfıkattalǵan taýardy tańdap, kólikti qaıta jabdyqtaýdy zańmen belgilengen tártipte júrgizgen abzal.
Tórt kúnniń ishinde anyqtalǵan óreskel buzýshylyqtyń eń kóbi – 32 fakti baǵdarshamnyń tyıym salatyn sıgnalyna ótý, 55 fakti manevr jasaý qaǵıdalaryn buzý. 45 júrgizýshi kóshe qıylystary men ótkelderde jaıaý júrginshilerge basymdylyq bermegen. Budan basqa, 32 júrgizýshi kólikti basqarý quqyǵynan aıyrylǵan, soǵan qaramastan masań kúıde rólge otyrǵan. Onyń bireýi 28 jastaǵy petropavldyq senbilik keshkisin Jambyl kóshesinde toqtatylǵan, medısınalyq kýálandyrý kezinde ortasha dárjedegi masańdyq ekeni anyqtaldy.
Polıseıler barlyǵy jedel-profılaktıkalyq is-shara barysynda eki myńnan astam túrli quqyq buzýshylyqty anyqtady.
